Fjölbreytt dagskrá í Hofi á öðru starfsári menningarhússins
Nýjung í starfsemi Hofs þennan veturinn eru áskriftarkort þar sem fólk getur sett saman sína eigin dagskrá. Þrjár tegundir af áskriftarkortum eru í boði - Klassíska kortið, Brot af því besta og Dúndur - og velja gestir það kort sem fellur best að þeirra smekk. Sjá nánar á menningarhus.is.
Fjölbreytt dagskrá
Allir ættu að finna eitthvað við sitt hæfi í Hofi í vetur og á meðal viðburða má nefna að hljómsveitin Skálmöld hefur Evrópureisu sína með tónleikum í Hofi í september og Friðrik Ómar heldur uppá þrítugsafmæli sitt þar í byrjun október með glæsilegum tónleikum. Leikhópurinn Vesturport leggur land undir fót og sýnir Húsmóðurina í Hofi og norðlenski kórinn Hymnodia setur upp barokkóperuna Dido og Aeneas í apríl. Lay Low heldur útgáfutónleika í tilefni útkomu þriðju breiðskífu sinnar í haust og Fjölskylduferð á skódanum er yfirskrift tónleika til heiðurs Ingimari Eydal. Sinfóníuhljómsveit Íslands, Íslenska óperan og Íslenski dansflokkurinn heimsækja einnig Hof í vetur. Sinfóníuhljómsveit Norðurlands býður upp á fjölbreytta dagskrá þar sem meðal annars verður frumfluttur nýr píanókonsert eftir Jón Ásgeirsson. Bubbi Morthens tekur forskot á Þorláksmessu og býður Norðlendingum á Þorláksmessutónleika rétt fyrir þorláksmessu og Ari Eldjárn kitlar hláturtaugarnar í febrúar. Á meðal nýjunga í vetur eru kvikmyndasýningar í stóra sal hússins þar sem Bíó Paradís mun í samstarfi við KvikYndi (Kvikmyndaklúbb Akureyrar) sýna sígildar kvikmyndir á breiðtjaldi í bestu mögulegu hljómgæðum og færa þannig andrúmsloft kvikmyndanna í Hof.
Útvarpsþátturinn Gestir út um allt sem vann hylli hlustenda um allt land sem og áhorfenda í sal síðasta vetur hefur göngu sína á ný í lok ágúst þegar að Margrét Blöndal og Felix Bergsson taka á móti góðum gestum. Aðalgestur í þessum fyrsta þætti er Eyjólfur Kristjánsson og leynigesturinn á eftir að koma skemmtilega á óvart. Á barnamorgnum í vetur verður tekið vel á móti yngstu kynslóðinni með ævintýralegri dagskrá og barnamenningarhátíðin Börn fyrir börn verður áfram á sínum stað.
Myndlistarfélagið á Akureyri opnar samsýningu í lok ágúst og á meðal annara sýninga í vetur er afmælissýning Jónas Viðars, yfirlitssýning Óla G. og samsýning systranna Maríu, Þórdísar og Margrétar Jónsdætra. Sjá nánar á menningarhus.is
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
