Fjögur tilvik svínaflensu á Norðurlandi
Á annað hundrað manns hafa greinst með svínaflensuna hér á landi og þar af eru fjórir á Norðurlandi. Þorvaldur Ingvarsson, forstöðumaður lækninga hjá Sjúkrahúsi Akureyrar, segir að þeim sem fái einkenni svínaflensunnar, sé bent á að leita til Heilsugæslustöðvarinnar á Akureyri þar sem FSA vilji forðast að fá flensuna til sín.
Hann segir menn vissulega í viðbragðsstöðu ef flensan ágerist og verður að faraldri. „Ef það verður faraldur þá opnum við sérstaka móttöku í tengslum við sjúkrahúsið ásamt Heilsugæslunni. Að öllum líkindum yrði móttakan staðsett þar sem gamla Sel var.” Þorvaldur segir að mjög mikið þurfi að gerast til þess að lokað verði almennum stofnunum hér á Akureyri, t.d. skólum. „Til að svo verði þarf fyrst að sýna sig að þessi inflúensa sé skæðari en önnur inflúensa og það er ekkert sem bendir til þess eins og staðan er í dag.”
Þorvaldur ítrekar að svínaflensan sé hefðbundin inflúensa enn sem komið er. „Eins og þetta hefur þróast er þetta bara venjuleg inflúensa og það er ágætt að fólk átti sig á því að oft á tíðum þegar fólk fær kvefpestir og einhvern vægan hita, þá talar það um það sem inflúensu, þó að það sé ekki eiginleg flensa. Þú gleymir því ekkert ef þú færð inflúensu, þá ertu með yfir 40 stiga hita og beinverki og þess háttar. Það er mjög mikilvægt að fólk haldi bara ró sinni og fari ekki út í neitt „panikk” eins og staðan er í dag,” segir Þorvaldur.
Nýjast
-
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn.