Fjármálaráðherra telur að auka þurfi eigið fé Vaðlaheiðarganga hf.
Skýrsla IFS hefur enn ekki verið birt opinberlega.
Oddný Harðardóttir, fjármálaráðherra, segir að auka þurfi eigið fé félagsins sem annast á gerð Vaðlaheiðarganga. Hún kynnti skýrslu IFS greiningar um gerð ganganna á fundi ríkisstjórnar í morgun. Oddný segir að samkvæmt skýrslunni séu forsendur fyrir stofnkostnaði og rekstri ganganna innan raunhæfra marka, en ýmislegt þurfi að ganga upp, til að endurfjármögnun á láni frá ríkissjóði verði tryggð.
Þannig megi vextir ekki verða miklu hærri en þeir sem ríkið lánar á. Þetta kemur fram á vef RÚV. Ef hægt væri að auka eigið fé Vaðlaheiðarganga upp í 10 prósent af heildarláni ríkisins til framkvæmdanna, fengi félagið hagstæðari lán til endurfjármögnunar og væri hæfara til að bregðast við ef lánskjör myndu versna. Skýrsla IFS hefur enn ekki verið birt opinberlega.
Þegar Oddný var spurð hversu skynsamlegt hún teldi verkefnið vera sagði hún að forsendur Alþingis í fjárlögum þessa árs fyrir framkvæmdunum væru að verkefnið standi undir sér. Það væri mikilvægt út af atvinnuástandi og til að styrkja innviði samfélagsins á Norðurlandi eystra, en það yrði að standa undir sér. Gert er ráð fyrir að fjárlaganefnd fái nú skýrslu IFS greiningar til umfjöllunar, sem og skýrslu Pálma Kristinssonar verkfræðings sem telur að rekstur Vaðlaheiðarganga muni ekki standa undir kostnaði við gerð þeirra. Oddný sagðist ekki hafa kynnt sér þá skýrslu, en það stæði til, segir ennfremur á vef RÚV.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.