Fimm Íslandsmeistaratitlar til UFA á MÍ
Agnes Eva Þórarinsdóttir frá UFA vann tvenn silfurverðlaun og tvenn bronsverðlaun á Meistaramóti Íslands. Mynd: Þórir Tryggvason
Ungmennafélag Akureyrar (UFA) vann fimm Íslandsmeistaratitla á Meistaramóti Íslands 15-22 ára í frjálsum íþróttum sem haldið var í Laugardalshöllinni sl. helgi. Mótið var fjölmennt en alls voru keppendur 230 talsins frá átján félögum. Kolbeinn Höður Gunnarsson sigraði í 60 m grindahlaupi og í 200 m hlaupi í flokki 16-17 ára. Hann vann auk þess tvenn silfurverðlaun, í 60 og 400 m hlaupi, en þar keppti hann í flokki 20-22 ára. Í 400 m hlaupinu kom Kolbeinn í mark á tímanum 49,13 sek. og er það nýtt Íslandsmet í hans aldursflokki, en Kolbeinn er 16 ára. Fyrra metið átti Einar Daði Lárusson á 49,54 sek. Sunna Rós Guðbergsdóttir varð Íslandsmeistari í langstökki í flokki 15 ára og í öðru sæti í þrístökki og Heiðrún Dís Stefánsdóttir bar sigur úr býtum í 800 m hlaupi 18-19 ára.
Þá urðu strákarnir í boðhlaupssveit UFA í flokki 18-19 ára Íslandsmeistararar í 4x200 m hlaupi. Sveitina skipuðu þeir Eiríkur Árni Árnason, Stefán Þór Jósefsson, Kolbeinn Höður Gunnarsson og Hermann K. Egilsson. Agnes Eva Þórarinsdóttir vann silfurverðlaun í langstökki og þrístökki og bronsverðlaun í 60 m hlaupi og 60 m grindahlaupi 18-19 ára. Stefán Þór Jósefsson hafnaði í öðru sæti í stangarstökki og í þriðja sæti í 60 m grindahlaupi í flokki 18-19 ára, Ásgerður Jana Ágústsdóttir varð í þriðja sæti í hástökki og langstökki 16-17 ára og Eiríkur Árni Árnason vann silfurverðlaun í 200 m hlaupi 18-19 ára.
Ungmennasamband Eyjafjarðar (UMSE) átti einnig keppendur á mótinu sem gerðu góða hluti. Þrír keppendur unnu til silfurverðlauna, þau Guðbjörg Ósk Sveinsdóttir fyrir þrístökk í flokki 16-17 ára, Berta Steingrímsdóttir fyrir stangarstökk í flokki 15 ára og Arlinda Fejzulahi fyrir kúluvarp í flokki 16-17 ára. Til bronsverðlauna unnu þær Steinunn Erla Davíðsdóttir fyrir 400 m hlaup 20-22 ára og Sveinborg Daníelsdóttir fyrir stangarstökk 16-17 ára. Þá vann boðhlaupssveit UMSE til bronsverðlauna í flokki 18-19 ára í 4x200 m hlaupi.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.