Ferðaþjónusta efld með reglulegu millilandaflugi um Akureyrarflugvöll
Flugklasinn er samstarfsverkefni fyrirtækja í ferðaþjónustu á Norðurlandi, fyrirtækja í útflutningi og verslun, sveitarfélaga, stofnana og annarra hagsmunaaðila í samfélaginu og verður leiðandi í því átaki sem þarf til að markaðssetja og kynna Akureyrarflugvöll sem nýjan áfangastað fyrir reglulegt millilandaflug. Arnheiður Jóhannsdóttir verkefnastjóri segir að í yfirlýsingu ríkisstjórnarinnar í tengslum við kjarasamningana sem undirritaðir voru 5. maí sl. væri kveðið á um að stjórnvöld, sveitarfélög og aðilar í ferðaþjónustu sameinist í átaki með það að markmiði að fjölga ferðamönnum yfir vetrartímann. Nauðsynlegt væri að ferðaþjónustufyrirtæki og aðrir hagsmunaaðilar á Norðurlandi standi saman til að mynda sterkan aðila sem hefur forsendur til að koma inn í verkefni ríkissjóðs.
"Bakland Flugklasans, fulltrúar iðnaðar- og innanríkisráðuneyta, Isavia, Atvinnuþróunarfélaga á Norðurlandi öllu og Akureyrarbær hafa sýnt mikinn áhuga á þessu verkefni og ætlum við að vinna ötullega að framgangi þessa stærsta hagsmunamáls ferðaþjónustunnar á Norðurlandi á næstu mánuðum," segir Arnheiður. Bæjarráð Akureyrar hefur nú samþykkt 2 milljón króna framlag til undirbúnings verkefnisins. Þá fékk Markaðstofan 5 milljóna króna styrk til flugklasaverkefnisins í síðasta mánuði, þegar úthlutað var úr verkefninu; Atvinnusköpum í sjávarbyggðum. "Þessi stuðningur gerir okkur kleift að fara á fullum krafti í fjármögnun, viðræður og markaðssetningu til ferðaskrifstofa, flugfélaga og annarra ferðaþjónustuaðila," segir hún.
Tekjur af einu flugi um 38 milljónir króna
Arnheiður segir að það að koma á reglulegu millilandaflugi um Akureyrarflugvöll sé langtímaverkefni en fyrstu skrefin felist í því að opna nýjan áfangastað til Íslands með áherslu á vetrarferðamennsku. "Ferðamannatímabilið verður lengt með þessum hætti en rannsóknir hafa sýnt að meðal dvalartími ferðamanna á Norðurlandi fer úr 1,8 nóttum í 7,3 nætur ef lent er á Akureyri í stað Keflavíkur. Gefa má sér að tekjur inn í samfélagið af einu flugi um Akureyrarflugvöll með farþega á leið í vetrarfrí séu 38 milljónir króna en flugvöllurinn getur auðveldlega annað 5-7 meðalstórum farþegaþotum á viku," segir hún.
Lenging ferðamannatímans og nýr áfangastaður inn á Norðurland skapar tækifæri fyrir þróun og eflingu ýmissar þjónustu á öllu Norðurlandi og verður farið af stað með þróunarverkefni samstarfsaðila nú í haust til þess að að styrkja atvinnuuppbyggingu á svæðinu. "Það er skýrt í hugum þeirra sem hafa unnið að undirbúningi Flugklasans að það er engin aðgerð sem myndi skipta jafn miklu máli til þess að fjölga störfum og auka umsvif í samfélaginu öllu eins og sú að koma á reglulegu millilandaflugi um Akureyrarflugvöll."
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
