Fellur rekstur Leikfélags Akureyrar niður í eitt ár?
Rætt hefur verið um að rekstrarframlag Akureyrarbæjar til Leikfélags Akureyrar fari eingöngu í að borga niður skuldir í eitt ár. Það gæti haft í för með sér að rekstur leikhússins félli niður á sama tíma. Þetta er einn af fleiri möguleikum sem hefur verið ræddur, segir Jón Hjaltason, stjórnarmaður í Akureyrarstofu á vefsíðunni Smugunni, þar sem fjallað er um málefni LA. En mönnum líst miður vel á það, segir Jón. Farið sé yfir alla möguleika í stöðunni og það þurfi að ræða málið frá öllum hliðum.
Þegar svona mikið tap verður á rekstrinum eins og raunin varð hjá LA á síðasta ári er það auðvitað eðlilegt að allir möguleikar séu ræddir þegar endurreisn félagsins á sér stað. Þetta mál er í eðlilegum farvegi sem tekur auðvitað smá tíma en hlutirnir fara vonandi fljótlega að skýrast. Þessi tiltekni möguleiki sem þú nefnir yrði auðvitað engum leikhúsáhugamanni að skapi, segir Eiríkur Haukur Hauksson, framkvæmdastjóri leikfélagsins, á smugan.is.
Skuldir leikfélagsins munu nema um 70 milljónum króna. Um sjö manns munu vera á launaskrá leikhússins allt árið, en fjöldi starfsmanna getur numið nokkrum tugum, eftir því hvaða verk eru á fjölunum. Framlög Akureyrarbæjar og menntamálaráðuneytisinis nema rúmlega 90 milljónum króna árlega. Auk þess hefur Akureyrarbær styrkt leikfélagið um 25 milljónir króna vegna húsaleigu.
Þegar tilkynnt var um framlög bæjarins til leikfélagsins í haust, var líka sagt frá sameiginlegri skoðun bæjarins og félagsins á því hvernig rekstri atvinnuleikhúss í bænum skyldi háttað. Þá var nefndur sá möguleiki að bærinn hætti þátttöku í rekstri leikhússins. Nefnd með fulltrúum Akueyrarstofu og bæjarins hefur átt í viðræðum við forsvarsmenn leikhússins. Þeim átti að vera lokið fyrsta desember, en málin eru enn til umræðu og mun niðurstöðu ekki vera að vænta fyrr en í næsta mánuði.
Í lok nóvember var birt úttekt á rekstri leikfélagsins. Þar kemur meðal annars fram að rekstrarvandræðin hefðu hafist með ráðningu leikhússtjóra og framkvæmdastjóra um mitt ár 2008. Staða framkvæmdastjórans hefði ekki verið auglýst, eins og áskilið væri í samþykktum leikfélagsins. Skort hefði á menntun og reynslu stjórnendanna. Þar segir ennfremur að viðbrögð stjórnendanna og stjórnar leikhússins við fjárhagsvandanum hafi verið síðbúin, og að óljóst hafi verið hver hefði átt að fylgjast með gangi mála fyrir hönd bæjarfélagsins, segir í frétt á Smugunni.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.