Félag eldri borgara kaupir nýtt húsnæði
Anna Sigrún formaður Félags eldri borgara ásamt fleiri félagsmönnum á góðri stund í Snælandi. / mynd: JS
Félag eldri borgara á Húsavík og nágrenni er í þann mund að festa kaup á húsnæði fyrir starfsemi félagsins að Garðarsbraut 44, neðri hæð og kjallara þar sem húsgagnaverslunin og verkstæðið Hlynur sf. og síðar Ómur sf. var til húsa. Húsnæðið er hugsað sem félagsaðstaða til komandi framtíðar.
Tekið verður við lyklunum 15. apríl n.k. Félagið er í dag með aðstöðu í Snælandi sem sveitarfélagið leigir undir starfsemi félagsins og gildir sá leigusamningur út árið. Gert er ráð fyrir að félagið verði áfram með aðstöðu í Snælandi á meðan verið er að standsetja nýja húsnæðið. „það er ýmislegt sem þarf að gera þarna,“ segir Eiður Árnason gjaldkeri félagsins í samtali við dagskrána.is.
Til að fjármagna kaupin hafur verið safnað frjálsum framlögum meðal félagsmanna með mjög góðum árangri. Einnig hefur fólk sem ekki hefur náð lágmarksaldri til að ganga í félagið sem er 60 ár sýnt framtakinu áhuga. „það hafa þó nokkrir haft samband og viljað styrkja okkur í þessu,“ segir Eiður.
Það fé sem hefur og á eftir að safnast verður lagt fram sem eigið fé í kaupunum. Sveitarfélagið Norðurþing hefur samþykkt að tryggja félaginu árlegan fjárstyrk til tryggingar á greiðslum á láni sem félagið tekur vegna kaupanna á húsnæðinu að Garðarsbraut 44.
Í tilkynningu frá stjórn félagsins segir:
„Við höfum ákveðið að gefa öllum kost á að taka þátt í kaupunum með frjálsu framlagi til að búa okkur og ykkur, sem á eftir komið, framtíðar félagsaðstöðu fyrir efri árin. Með samstilltu átaki gerum við þetta að veruleika.“
Þeir sem vilja leggja söfnuninni lið geta lagt inn á bankareikning félagsins. /EPE
Reikningnr: 0567-26-006212 og 0192-15-370390
Kennitala: 621298-5349
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.