Félag eldri borgara á Húsavík sýnir nýtt húsnæði
Anna Sigrún Mikaelsdóttir tekur hér við blómvendi frá Dögg Káradóttur, myndin var tekin við opnun félagsaðstöðu Félags eldri borgara í snælandi á sínum tíma. Mynd: JS
Eins og áður hefur komið fram á dagskrain.is hefur Félag eldri borgara á Húsavík og nágrenni fest kaup á nýju húsnæði undir félagsaðstöðu og aðra starfsemi félagsins að Garðarsbraut 44, fyrstu hæð og kjallara.
Í tilefni af því verður húsnæðið til sýnis „fyrir áhugasama og „forvitna“ félaga föstudaginn 13. maí frá kl: 13:00 - 14:30,“ eins og segir í fréttabréfi frá formanni félagsins Önnu Sigrúnu Mikaelsdóttur. En nú standa yfir framkvæmdir í húsinu. Jafnframt verður boðið upp á vöfflukaffi í Snælandi frá kl 14:00 – 16:00 sama dag, en félagsaðstaða eldri borgara hefur verið starfrækt í Snælandi undanfarið, þar er opið alla virka daga frá kl 13:00 – 16:00 og nýta margir sér þessa aðstöðu til að njóta félagsskapar og samveru við aðra félaga, þar er ætíð brakandi ferskt kaffi á könnunni og með því.
Anna Sigrún vill koma á framfæri þakklæti til allar þeirra sem komu að framkvæmdum í tengslum við endurbætur á Snælandi þegar félagið flutti þar inn.
Kaupverð nýja húsnæðisins er 32 milljónir króna, til að fjármagna kaupin tók félagið 27 milljón kr. bankalán og brúaði bilið, með frjálsum framlögum félagsmanna og velunnara félagsins. Söfnunin hefur gengið vel, alls hafa safnast 4,5 milljónir
„Öll fjárframlög eru vel þegin í þetta krefjandi verkefni og því hefur verið ákveðið að leita eftir styrkjum, fjárframlögum, frá hinum
ýmsu fyrirtækjum, stofnunum og félagasamtökum, hér um slóðir, til þess að
létta undir með okkur , á fyrstu metrunum,“ segir í fréttabréfinu.
Forsendur þess að félagið fót út í þessa fjárfestingu er vilyrði sveitarfélagsins Norðurþings um fjárhagslegan stuðning á næsta fjárhagsári og á næstu árum. Félaginu barst einnig veglegur styrkur á dögunum frá frá Félagi eldri borgara á Raufarhöfn og áður hafði félaginu borist loforð um rausnarlegt framlag frá Fjallasýn Rúnars Óskarssonar ehf, til verkefnisins. /epe
Þeir sem vilja styrkja verkefnið geta lagt inn á eftirfarandi reikning í Íslandsbanka: 0567-26-6212
Kennitala félagsins er: 621298-5349
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.