Feðgarnir mætast þegar Akureyri tekur á móti HK í kvöld
Í kvöld kl.19:00 mætast Akureyri og HK í Höllinni á Akureyri í gríðarlega mikilvægum leik í baráttu beggja liða fyrir sæti í fjögurra liða úrslitakeppni Íslandsmótsins í handbolta karla. Leikurinn er mjög merkilegur fyrir þær sakir að aðstoðarþjálfarar liðanna eru feðgarnir Árni Stefánsson hjá HK og Stefán Rúnar Árnason sonur hans hjá Akureyri. Vikudagur sló á þráðinn til þeirra feðga og spurði þá út í leikinn í kvöld og einvígi þeirra.
Akureyri situr í 6. sæti deildarinnar með 15 stig, HK er með 17 stig og í fjórða og síðasta sætinu sem gefur rétt í úrslitakeppnina er FH með 18 stig.
„Leikurinn leggst mjög vel í mig, það verður rosalega gaman að koma norður og vonandi spila framan fulla Höllina af fólki og mæta þar góðu liði Akureyringa. Vonandi verður mikil stemmning, það hefur verið virkilega gaman að fylgjast með því úr fjarðlægð hvað það er búið að gera flotta hluti í kringum handboltann á Akureyri og vonandi fær maður að upplifa það í kvöld.” sagði Árni um leikinn.
Þeir feðgar eru sammála um að leikurinn verði væntanlega jafn og spennandi allt til loka, Árni vildi ekkert segja um hvort liðið myndi sigra en Stefán kvaðst þess full viss um að hans menn myndu taka öll stigin.
Verður sérstakt að mætast
Báðir eru þeir fullir tilhlökkunar að mæta hvor öðrum og viðurkenna að það verði mjög sérstakt. „ Þetta verður heldur betur gaman og sérstakt. Ég er mjög ánægður með hvað hann hefur staðið sig vel í þessu hlutverki í vetur og hef fylgst vel með honum, sagði Árni um soninn. Stefán var á sama máli. „Þetta verður sérstakt og skemmtileg, hann hefur kennt mér mikið og ég hef alltaf leitað til hans þegar ég þarf ráð varðandi þjálfun. Hann hefur kennt mér flest af því sem ég kann þó svo að auðvitað hafi ég auðvitað bætt við vitnesku mína annarsstaðar frá, svo hann hefur nú ekki öll tromp á hendi,” sagði Stefán léttur í lund
Óhætt er að segja að þeir feðgar geti brýnt rausn sína ef þörf er á en hvor þeirra er háværari? „Ég held að ég sé nú klikkaðari,” segir Árni og hlær. „Ég hef nú í gegnum tíðina reynt að láta hann læra af mínum mistökum og segja honum til í þessum efnum.” Stefán hins vegar var ekki alveg sammála og er þarna sennilega eina atriðið sem þá feðga greinir á um. „Það verður bara að koma í ljós hvor er háværari,” sagði Stefán kíminn og bætti svo við: „Ég held að dómararnir eigi eftir að lenda í vandræðum, þeir munu aldrei vita hvor okkar var að kalla inn á völlinn því við erum með svo líkar raddir.”
Að lokum aðspurðir hvort þeir stefni að því að þjálfa saman í framtíðinni svöruðu þeir því báðir til að þeir vonuðust til að það myndi gerast, því þeir séu um flest sammála þegar handbolti er annarsvegar. Sannarlega verður áhugavert að fylgjast með þeim feðgum í kvöld.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.