Fasteignamarkaður á Akureyri að taka við sér
„Við höfum greint batamerki á fasteignamarkaði, eftirspurn hefur aukist og sölur eru fleiri, bæði beinar og í skiptum. Þessi breyting gefur vísbendingar um að það frost sem einkennt hefur markaðinn undanfarin misseri sé nú á enda,“ segir Björn Guðmundsson hjá Fasteignasölunni Byggð á Akureyri.
Sigurður Sveinn Sigurðsson hjá Hvammi tekur í sama streng og segir markaðinn líflegri en af sé látið í fjölmiðlum. „Það er töluvert að gera og margir eru í fasteignahugleiðingum þó ekki leiði allt til kaupsamninga, en meiri vinna liggur nú á bakvið hvern samning en áður,“ segir Sigurður Sveinn.
Björn segir ástandið hafa verið slæmt allt frá haustinu 2008, það hafi einkennst af mikill óvissu hjá fólki varðar atvinnu og tekjur sem og af almennum áhyggjum af efnahagsmálum. „Það sem er jákvætt í stöðunni fyrir Akureyri er að margar fyrirspurnir koma af höfuðborgarsvæðinu þar sem fólk vill komast norður en ekki virðist vera jafnmikill áhugi hjá Norðlendingum að fara suður. Flestir sitja samt fastir með sínar eignir á höfuðborgarsvæðinu og geta þar af leiðandi ekki keypt hér þó áhugi sé til staðar,“ segir Björn.
Hann segir að eftirspurn eftir leiguhúsnæði hafi stóraukist á undanförnum mánuðum sem sé viðsnúningur frá því sem áður var. „Þannig að ég tel að einhver fjölgun sé á svæðinu sem er afskaplega mikilvægur þáttur í því að framtíðarhorfur markaðarins séu jákvæðar.“ Björn segir að einhver verðlækkun hafi átt sér stað á markaði, en tíðni makaskipta haldi aftur af verðlækkunum. „Lykillinn að því að fasteignamarkaðurinn taki hraustlega við sér er sá að lánsheimildir Íbúðalánasjóðs verði auknar og á ég þá bæði við að hámarkslán sjóðsins og veðsetningarhlutföll, að minnsta kosti við fyrstu kaup verði hækkuð. Það má ekki gleyma því að fasteignamarkaðurinn er lífæð fyrir margar starfsstéttir s.s. iðnfyrirtækja, verslunar- og þjónustustörf. Það er því mikilvægt að fasteignamarkaðurinn fari í gang sem allra fyrst,“ segir Björn.
Sigurður Sveinn segir að makaskipti og kaup á mikið veðsettum eignum séu algengari nú en í meðalári. Fasteignaverð hafi lækkað, sérstaklega á eignum sem þarfnast viðhalds á meðan nýjar eignir og uppgerðar halda sér betur í verði. „Þessi staða gefur jafnframt tækifæri til hagstæðra kaupa og svo virðist sem fólk sé mjög meðvitað um það,“ segir hann. Hvað haustið og veturinn beri í skauti sér „er ekki gott að segja en almennt gerum við ráð fyrir svipuðu ástandi.“
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.