Farþegum SVA heldur áfram að fjölga
Farþegum hjá Strætisvögnum Akureyrar heldur áfram að fjölga og nú er svo komið að vandræðaástand hefur skapast á ákveðnum tímum á morgnanna, að sögn Stefáns Baldurssonar forstöðumanni SVA. Frítt er í strætó á Akureyri. Álagið er mest snemma á morgnana og á þeim tíma eru 70-90 manns í vögnunum í einu, sem er ansi mikið.
Við þurfum því að fara flýta morgunferðunum, þar sem við komum ekki fólki alltaf á réttum tíma í vinnuna. Við erum með einn aukabíl á morgnana, það dugar varla til og þurfum því að flýta ferðunum um nokkrar mínútur fram til kl. 10:00 til að koma farþegum á áfangastað á réttum tíma, segir Stefán. Hann segir að til standi að setja nýjar upplýsingar við biðstöðvarnar, sem eigi að gera fólki auðveldara með að lesa út úr öllum tímatöflum. Einnig er ný leiðabók væntanleg og þá verða örlitlar breytingar á leiðum til þess að geta þjónað fólki betur.
Stefán segir að leikskólar og grunnskólar hafi undanfarið látið vita fyrirfram ef þeir ætla með hópa af börnum í strætó. Ef um er að ræða t.d. tvær bekkjardeildir eða fleiri þá komast ekki allir fyrir í vögnunum á sumum tímum dags. Þá hefur það gerst að við höfum þurft að skilja farþega eftir og það er ómögulegt. Við erum að vinna í því að leysa þessi mál og gera það á sem hagkvæmast hátt. Þá þarf líka að kynna fyrir fólki þær breytingar sem gerðar eru, segir Stefán.
Ekið er frá kl. 6.25 til 23.03 alla virka daga en akstur um helgar er frá kl. 12:49 til 18:36. Allir vagnar hjá strætó og ferliþjónustu nota lífdísil sem eldsneyti. Lífdísillinn er framleiddur hjá fyrirtækinu Orkey á Akureyri, m.a. úr mör og úrgangssteikningarolíu frá veitingahúsum.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
