Farþegafjöldinn um Akureyrarflugvöll sá mesti í fjögur ár
Sífellt fleiri farþegar fara um Akureyrarflugvöll. Mynd/Hörður Geirsson.
Á árinu 2016 fóru rúmlega 183 þúsund farþegar um Akureyrarflugvöll sem er fjölgun um 13 þúsund farþega á milli ára. Þetta er jafnframt mesti farþegafjöldinn um Akureyrarflugvöll í fjögur ár, eða síðan árið 2012 er ríflega 199 þúsund manns fóru um flugvöllinn. Greint er frá þessu á vefnum turisti.is.
Nærri 750 þúsund farþegar nýttu sér innanlandsflug um íslenska áætlunarflugvelli í fyrra og hefur þeim fjölgað stöðugt undanfarin ár. Sem fyrr fara langflestir farþeganna um Reykjavíkurflugvöll eða liðlega helmingur samkvæmt tölum á heimasíðu Isavia, rekstraraðila flugvallanna. Ef litið er til þróunarinnar frá aldarmótum kemur í ljós að árið í fyrra var það tíunda besta í innanlandsfluginu út frá fjölda farþega. Í síðustu viku hóf Flugfélag Íslands reglulegt flug milli Akureyrar og Keflavíkurflugvallar og þá opnast möguleiki á því fyrir erlenda ferðamenn að fljúga beint norður í land við komuna til landsins. Með þessari nýju flugleið styttist einnig ferðatíminn fyrir Norðlendinga út í heim því þeir þurfa ekki lengur að keyra 430 km að Keflavíkurflugvelli eða fljúga fyrst til Reykjavíkurflugvallar til að komast í millilandaflug.
„Þannig getur farþegi sem flýgur með morgunfluginu frá Akureyri verið kominn til Glasgow rúmum fimm tímum síðar og þingmaður sem búsettur er á Akureyri nær hádegisfundi í Brussel jafnvel þó hann sofi heima hjá sér en ekki á hóteli fyrir sunnan,“ segir á vefnum turisti.is.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.