Fálki gripinn í dúfnakofa
Gummi Lilla með fálkann áður en honum var sleppt. Mynd: GAukur Hjartarson.
Guðmundur Þráinn Kristjánsson, oftast kallaður Gummi Lilla er með bréfdúfur í kofa við Ásgarð á Húsavík en hann sagði í samtali við Vikublaðið að hann sé búin að stunda þetta sport í fjöldamörg ár.
Fyrir skemmstu beið hans óboðinn gestur í dúfnakofanum eins og meðfylgjandi myndir sem Gaukur Hjartarson tók bera með sér en þar gekk hann fram á fálka sem var að seðja hungur sitt. Hann sagði þó að honum hafi lítið brugðið við aðkomuna. „Nei ég er vanur svona kvikindum. Þetta er alltaf að sniglast eitthvað í kringum mig.“
Gummi var ekki í miklum vandræðum með að handsama fálkann sem var búinn að éta eina dúfu. „Nei ég setti bara á mig þykka hanska, hann réðst á mig reyndar en ég er stærri og sterkari, þannig að þetta slapp til,“ segir hann og hlær.
Gummi er búinn að stunda bréfdúfusportið í á tólfta ár og er með um 70 fugla, 40 keppnisfugla og svo undaneldispör. „Fálkinn náði bara einni, hann var búinn með hana og var sennilega að fara gæða sér á næstu þegar ég mætti á svæðið,“ segir Gummi og bætir við að fálkinn hafi líklega bara verið nýkominn inn í kofann. „Hann er samt búinn að vera hérna í allan vetur og tók nokkrar hænur frá mér,“ segir hann og bætir við aðspurður að hann hafi áður verið með talsvert af hænum. „Ég var með margar hænur en þær eru að verða gamlar. Þetta eru svona gæludýr bara en ég fæ eitthvað af eggjum undan þessu.“
Gummi er sem fyrr segir búinn að stunda sportið lengi og segir að í dag sé einn annar í sportinu hér á Húsavík og annar að bætast í hópinn. „Svo eru nokkrir Dalvíkingar og Akureyringar í þessu. Bréfdúfnafélag Húsavíkur var stofnað árið 2012 en það eru aðallega Akureyringar í því félagi,“ segir hann og hlær
Gummi tók þátt í nokkrum keppnum síðast liðið sumar og vann til gullverðlauna í tveimur þeirra. Hann stefnir á frekari keppni komandi sumar. „Keppnin fer þannig fram að það er mæld bein fluglína yfir í kofann frá þeim stað sem keppt er frá. Sá fugl sem er fljótastur að fljúga þessa kílómetra vinnur. Svo safnast saman stig en 20% af fuglunum sem keppa fá stig. Verðlaun eru veitt fyrir efstu þrjú sætin og sá fugl sem safnar flestum stigum yfir sumarið er krýndur íslandsmeistari,“ útskýrir Gummi.
Þá segir hann að fuglarnir hafi býsna gott úthald og geti hæglega flogið þvert yfir Ísland ef því er að skipta. „Það eru ekki margir í þessu en við erum nokkrir þverhausar, þetta er skemmtilegt hobbý,“ segir Gummi Lilla að lokum.
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir