FA hefur umsjón með 100 fasteignum og 260 leiguíbúðum
Verðmesta eign Fasteigna Akureyrarbæjar er Hof, en húsið kostaði rúma 3,5 milljarða króna í byggingu.
Rekstur Fasteigna Akureyrarbæjar er umfangsmikill sem fyrr og hafa þær umsjón með um 100 fasteignum, auk 260 leiguíbúða. Heildarflatarmál eigna sem eru í umsjá FAK eru rúmlega 130.000 m², þar af um 25.000 m² í íbúðarhúsnæði. Stærsta einstaka eignin að flatarmáli er Boginn, sem er ríflega 9.000 m². Verðmesta eign Fasteigna er menningarhúsið Hof, en það kostaði rúma 3,5 milljarða í byggingu.
Í framkvæmdaáætlun Fasteigna Akureyrarbæjar er gert ráð fyrir að framkvæmt verði fyrir rúmlega 1,5 milljarð króna á árinu 2012 en framkvæmdir á núverandi ári eru um 790 milljónir króna, sem er um 330 milljónum minna en gert var ráð fyrir. Skýrist það fyrst og fremst af því að framkvæmdir við Naustaskóla og Hjúkrunarheimili hafa ekki verið eins miklar og ráð var fyrir gert. Þetta kom fram í máli Geirs Kristins Aðalsteinssonar forseta bæjarstjórnar við fyrri umræðu um fjárhagsáætlun Akureyrabæjar 2012, á síðasta fundi bæjarstjórnar.
Haldið verður áfram með Hjúkrunarheimili við Vestursíðu og áætlað er að því ljúki á haustmánuðum 2012. Er það framkvæmd samkvæmt samkomulagi við ríkið um ný hjúkrunarpláss í stað Kjarnalundar. Áætlaður heildarkostnaður við verkið er um 1.100 milljónir, en gert er ráð fyrir að framkvæma fyrir um 610 milljónir króna árið 2012. Ríkið mun síðan endurgreiða 85% af byggingarkostnaði í formi leigu næstu árin. Einnig er gert ráð fyrir að halda áfram uppbyggingu Naustaskóla og reiknað með að framkvæmt verði fyrir um 610 milljónir á árinu 2012, sagði Geir.
Síðari umræða um fjárhagsáætlun Akureyrar fer fram í bæjarstjórn seinni partinn í dag.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.