Erum með lið til þess að snúa blaðinu við
Sex umferðum er nú lokið í N1-deild karla en stutt hlé er nú gert á deildinni vegna landsliðsæfinga og fer því næsta umferð fram eftir viku, fimmtudaginn 10. nóvember. Staða efstu liða er þannig að Fram og Haukar hafa 10 stig í tveimur efstu sætunum og FH og HK koma í 3.-4. sæti með níu stig. Þessi lið hafa skilið sig frá næstu liðum, en Valsmenn eru í fimmta sæti með 4 stig, Akureyri hefur 3 stig, Afturelding 2 stig og Grótta rekur lestina með 1 stig. Uppskera norðanmanna er rýr og staðan allt annað en góð. Liðið er 6-7 stigum á eftir efstu liðunum og má vart við að dragast meira aftur úr.
Bilið er orðið ansi mikið en ef við vinnum tvo næstu leiki að þá gæti þetta jafnast út því liðin í efri hlutanum spila innbyrðis á meðan, segir Atli Hilmarsson þjálfari Akureyrar um stöðu liðsins. Fyrir okkur er ekkert annað í stöðunni en að einbeita okkur að næsta leik sem er gegn Gróttu og reyna að koma okkur aftur á sigurbraut. Við erum svolítið að tapa þessum leikjum á okkar mistökum og þetta eru enginn stórtöp. Við erum inni í öllum þessum leikjum og það sýnir að við erum með lið til þess að fara upp á við þegar við höfum endurheimt alla okkar leikmenn. Við höfum ágætis tíma núna til þess að vinna í því. Við fengum Heimi (Örn Árnason) inn í síðasta leik og nú þarf hann að koma sér í betra form og vonandi nýtist þessi tími í það. Þessi vikar fer í að koma líkamlegu ástandi leikmanna í lag, segir Atli.
Nánar er rætt við Atla um stöðu Akureyrar í N1-deildinni í Vikudegi sem kemur út í dag.
Nýjast
-
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp.
