Enginn vill sjá sjómannadaginn á Akureyri hverfa
„Það vill enginn sjá þennan dag hverfa, en útlitið var þannig að enginn var að gera neitt í málinu. Það þótti okkur leitt og fórum því af stað," segir Rúnar Þór og bætir við að sjómönnum í bænum hafi líka þótt miður ef öll hátíðarhöld í tilefni dagsins yrðu blásin af. Konráð Alfreðsson formaður Sjómannafélags Eyjafjarðar segir að í eina tíð hafi Sjómannadagsráð staðið fyrir hátíðarhöldum á sjómannadegi, en að því stóðu þrjú félög, Sjómannafélag Eyjafjarðar, Skipstjórnarfélag Norðurlands og Vélstjórafélagið. Örlög þess voru að lenda í gjaldþroti og skiptu félögin þrjú með sér að greiða upp skuldir í kjölfar þess. Á árum áður stóð sala á miðum á sjómannadansleik í Höllinni undir kostnaði við hátíðarhöld Sjómannadagsins, en að sögn Konráðs fór að draga mjög úr aðsókn sem svo varð til þess að hætt var að efna til þeirra og þar með var ekki neitt fé til reiðu til að standa undir kostnaði. Frá árinu 2005 stóð Sjómannafélag Eyjafjarðar að dagskrá í bænum, „en auðvitað er það ekki okkar hlutverk að standa að þessum hátíðarhöldum, mér sýnist að víða um land séu það sveitarfélögin sem standi fyrir þeim, en það væri auðvitað mjög gott ef við gætum fundið þessu máli farveg, því ég ímynda mér að í útgerðarbæ eins og Akureyri vilji menn ekki að öllum hátíðarhöldum á sjómannadegi verði hætt," segir Konráð.
Áhöfnin á Vilhelm Þorsteinssyni hefur að undanförnu unnið að undirbúningi fjölskylduhátíðar að Hömrum á sjómannadaginn, en þar verður m.a. keppt í koddaslag, reiptogi og jakahlaupi, bílar og bátar verða á svæðinu og þaðan mun leggja ilm af grilluðum pylsum. Þá verða keppnir af ýmsu tagi, fótbolta- og golfmót sjómanna, róðrarkeppni, sjósund og kappróður. Dorveiðikeppni verður einnig á dagskránni, sýning á neðansjávarljósmyndum og Húni verður í siglingum á Pollinum svo eitthvað sé nefnt, en að lokum má nefna að sjómannadagsskemmtun verður í Sjallanum. Upplýsingar um dagskrána verður að finna á vefsíðunum www.nokkvi.iba.is og www.huni.muna.is
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.