Óttast skemmdir á húsnæði vegna sprenginga í Höfðagöngum
Jóhann Þórarinsson og titringsmælirinn á veggnum. Mynd: epe
Jóhann Þórarinsson fyrverandi lögreglumaður óttast skemmdir á húsi sínu að Sólbrekku 1 vegna titrings sem hlýst af sprengingum við gangagerð í gegnum Húsavíkurhöfða. Hann hefur fært nákvæmt bókhald yfir það hvenær hann finnur fyrir sprengingum. "Ég hringdi í nokkur skipti í 112 og bað um lögreglu til að láta bóka þetta. Ástæðan fyrir því er að ég geri það er sú að ef maður kvartar ekki eða lætur ekki vita og svo verða skemmdir; og þessar skemmdir koma kannski seinna fram, þá hefur maður ekkert í höndunum," segir Jóhann í samtali við Skarp og dagskrain.is.
Jóhanni er umhugað um að koma því á framfæri að hjá sér skjálfi allt og titri. "Við höfum skráð hvert skipti sem við finnum titring. Hann er stundum það mikill að ef maður horfir á gluggana þá sér maður eins og rúðurnar víbri og stundum glamra glermunir í skápunum, segir hann. Jóhann hefur áhyggjur af skemmdum sem hljótast kunna af svo tíðum titringi. Mér finnst eins og sprunga á plötuskilum hér vestar í húsinu hafi gengið eitthvað til. Mér sýnist það," segir hann og er fljótur að bæta við: "En svo veit maður ekkert hvernig þetta er undir neðstu plötum, hvernig sökklarnir eru eða skolplagnir og annað slíkt."
Búið er að setja upp mæla í kjallaranum hjá Jóhanni sem eiga að nema titringinn. Það var gert í kjölfar þess að Jóhann hafði samband við Vinnueftirlitið og lét vita af þessu. "Ég veit þó ekki annað en að það hafi verið starfsmenn þessa fyrirtækis (LNS Saga, innsk.blm) sem sjá um þetta verk, sem settu upp þessa mæla," segir hann og bætir við að hann hafi ekkert heyrt um það hvort eitthvað hafi komið út úr mælingunum. "Ég veit ekki til þess að það komi nokkur óháður aðili að þessum mælingum, hvorki Vinnueftirlitið né annað," en vill þó ekki leggja dóm á það hvort Vinnueftirlitið ætti að sjá um mælingarnar.
Dagskrain.is hafði samband við Sigurgeir Stefánsson frá Vinnueftirlitinu sem sagði að ekki hafi borist fleiri kvartanir inn á hans borð en þessi eina. Í kjölfarið hafi verið settir upp mælar til að kanna umfangið af titringnum. Það hafi verið verktakafyrirtækið LNS Saga sem hafi komið mælunum fyrir, en það er verktakinn sem sér um gangagerðina í Húsavíkurhöfða. Ekki náðist í fulltrúa frá LNS Saga við vinnslu þessarar fréttar. / epe
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.