Hjalti og Lára með nýja plötu
Hjalti og Lára stefna á að gefa út sína aðra plötu 25. ágúst næst komandi og verður útgáfunni fagnað með útgáfutónleikum á Græna Hattinum og í Fríkirkjunni, Reykjavík.
„Hún heitir Árbraut eftir götunni sem Hjalti er alinn upp við á Blönduósi og nánast öll fjölskyldan hefur einhvern tíma búið við,” segir Lára í samtali við dagskrain.is.
Á bak við dúettinn Hjalti og Lára eru hjónin Hjalti Jónsson og Lára Sóley Jóhannsdóttir sem var bæjarlistamaður Akureyrar 2015. Þetta er önnur plata hjónakornanna, árið 2013 gáfu þau út plötuna Hjalti og Lára, en lagið Eina nótt af plötunni náði þriðja sæti á vinsældarlista rásar 2.
Fyrsta plata þeirra var að mestu með úrvali laga eftir aðra lagasmiði en á Árbraut kveður við annan tón. Plötuna prýða að mestu ný frumsamin lög og textar Hjalta og Láru sem eru bæði á ensku og íslensku, en Hildur Eir Bolladóttir samdi texta við eitt lag og einnig flytja þau Vornæturljóð Elísubetar Geirmundsdóttur.
„Það er eiginlega aldrei gott að nota íslenska orðið yfir folk music, þetta er ekki beint þjóðlagatónlist heldur svona akústískt þjóðlagaskotið popp,” segir Lára aðspurð um hvernig plata þetta sé og bætir við: „Við erum með hefðbundið gítar, bassi, trommur band með okkur svo erum við líka með klassísk hljóðfæri eins og horn, selló og náttúrlega fiðlu. Þessi plata er meira okkar, þetta hefur blundað lengi í okkur en einhvern vegin ekki látið verða að því fyrr en nú.”
Upptökur fóru fram á Akureyri í júní undir stjórn Stefáns Arnar Gunnlaugssonar, en fjöldi norðlenskra listamanna leika með dúóinu á plötunni.
Hjalti og Lára standa nú fyrir áheitasöfnun á Karolinafund.com þar sem hægt er að leggja útgáfunni lið og panta nýju plötuna, miða á útgáfutónleika eða einkatónleika. Söfnunin hefur gengið vel, en enn vantar herslumuninn upp á að markmið þeirra náist. /epe.
Síðu söfnunarinnar má sjá hér
Hér að neðan má hlýða á eitt lag, Yesterday is gone af nýju plötunni.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
