Elisabet önnur Bretadrottning á Akureyri
Elísabet drottning mun vænatnleg´til Akureyrar í dag
Hennar hátign Elísabet önnur Bretadrottning mun hafa viðkomu á Akureyri í dag á leið sinni til Japan þangað sem hún fer í einkaerindum.
Það var í gær sem þessi boð bárust til Akureyrarstofu og að sögn Þórgnýs Dýrfjörð framkvæmdastjóra hefur gríðarlega mikið verið að gera við skipulagningu vegnamótttöku drottningar. Það má segja að við séum að vinna marga mánaða vinnu á nokkrum klukkustundum, sagði Þórgnýr í stuttu viðtali við Vikudag í morgun.
Von er á þotu drottningar, Britannica, um kl. 14.20 í dag og biður Þórgnýr alla þá sem tök hafa á að koma á Akureyrarflugvöll til að fagna komu hennar, verið sé að leggja lokahönd á prentun enskra og íslenskra fána svo hægt sé að dreifa meðal fólks.
Öryggisgæsla þarf að vera mikil enda ekki oft sem jafn háttsettur einstaklingur sækir Akureyri heim. Björn Jósef Arnviðarson sýslumaður stjórnar skipulagningu í þeim efnum í nánu samráði við ríkislögreglustjóra. Björn baðst undan viðtali þegar vikudagur.is freistaði þess að ná af honum tali.
Ekki er vitað um nákvæma dagskrá heimsóknar drottningar en heyrst hefur að hún vilji gjarnan kaupa lopavarning og er verslunin Víkingurinn nefnd í því sambandi.
Sigurður Guðmundsson kaupmaður varðist allra frétta í þessu sambandi en sagðist geta staðfest að nokkuð fjölmennur hópur hefði boðað komu í verslunina kl 15.45 í dag.
Einnig hefur verið rætt að Elísabet og fylgdarlið hennar muni fara í Akureyrarkirkju og skoða Coventrygluggann svokallaða. Stefán Arnaldsson kirkjuvörður sagðist ekkert geta sagt um dagskrá dagsins nema að í dag færi fram ferming en þeirri athöfn yrði lokið fyrir kl. 15, það væri ljóst.
Baldvin, vert í Flugkaffi, sagði í stuttu spjalli við vefinn að hann hefði fengið pöntun frá skrifstofu drottningar í hina rómuðu kjötsúpu sem á boðstólunum er í Flugkaffi fyrir 56 manns og skal hann elda í hinu konunglega eldhúsi Britannica. Ég hef alltaf vitað að kjötsúpan sem byggir á gamalli uppskrift frá Jökuldal sé drottningar-, já og kóngafæði, sagði Baldvin í miklum önnum fyrr í dag.
Baldvin segist ekki ókunnur því að gefa tignum gestum að snæða td hafi Margret Þórhildur drottning áð fjórum sinnum hjá honum seinast fyrir fjórum árum þegar hún fékk sér sex pönnukökur og hálfan líter af mjólk með. ,,Margrét Þórhildur drottning Dana, Færeyinga, og Grænlendinga sagði mér að svona nokkuð hefði hún ekki fengið frá því hún var barn. Amma hennar bauð litlu prinesessunum uppá pönnukökur á sunudagsmorgnum sagði Baldvin að lokum.
Reiknað er með að Elísabet og föruneyti hennar taki flugið áleiðis til Japan um kl. 18.15 í dag.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.