Elín Hrönn Einarsdóttir iðjuþjálfi/ráðgjafi hjá Starfsendurhæfingu Norðurlands Þátttaka í Rótarý hefur víkkað sjóndeildarhringinn og veitt mér innblástur
Elín Hrönn með félögum sínum í Rótarýklúbbi Akureyrar, Örnu Georgsdóttir fyrrverandi forseta klúbbsins og Óskari Ægi Benediktssyni Mynd Óskar Ægir Benediktsson
„Rótarý hefur gefið mér margt. Félagsskapurinn er ómetanlegur – það að kynnast fólki úr ólíkum geirum og með mismunandi reynslu hefur bæði víkkað sjóndeildarhring minn og veitt mér innblástur. Ég hef einnig fengið tækifæri til að taka þátt í verkefnum sem hafa raunveruleg áhrif á líf annarra, bæði hér heima og erlendis,“ segir Elín Hrönn Einarsdóttir félagi í Rótarýklúbbi Akureyrar. Hún starfar sem iðjuþjálfi/ráðgjafi hjá Starfsendurhæfingu Norðurlands.
Rótarýklúbbur Akureyrar var stofnaður árið 1938 og er því 87 ára gamall, en formlegur stofnfundur var haldinn í byrjun september það ár. Rótarýklúbburinn er starfsgreinaklúbbur og leitast er við að í honum sé fólk úr sem flestum starfsgreinum Mikið er lagt upp úr því að heimsækja fyrirtæki og stofnanir til að kynnast fjölbreyttri starfsemi í bæjarfélaginu og víðar. Félagar í Rótarýklúbbi Akureyrar komu saman fyrr í haust og fögnuðu þeim áfanga í starfi sínu að halda fund númer 4000. Vikublaðið fylgdist með fundinum.
Fann að ég hafði lítið tengslanet
Elín Hrönn er fædd og uppalin í Reykjavík, en flutti til Danmerkur rúmlega tvítug til að fara í nám. Þar í landi vann hún í nokkur ár en flutti síðan með fjölskyldu sinni til Bandaríkjanna og bjó þar um árabil, en í allt bjó hún erlendis í nær 13 ár.
„Þá var stefnan tekin á Ísland aftur og í fjölskyldan flutti austur á Reyðarfjörð þar sem við bjuggum í 12 ár áður en við fluttum til Akureyrar. Ég fór að vinna hjá SN og fann að ég var ekki með mikið tengslanet hér, enda lítið sem ekkert tengd samfélaginu á Akureyri. Ég heyrði af starfsemi Rótarý í gegnum samstarfsfélaga sem bauð mér að mæta á fund til að kynnast félagsskapnum og því starfi sem Rótarý stendur fyrir,“ segir hún.
Heilluð af anda klúbbsins
Ég varð fljótt heilluð af anda klúbbsins, fyrir það fyrsta var ótrúlega vel tekið á móti mér, þarna kynntist ég fjölbreytilegum hópi fólks sem ég hefði aldrei kynnast annars og þeim fjölbreyttu tækifærum og upplifunum sem boðið er upp á. Þetta heillaði mig við starfsemi Rótarý og því ákvað ég að gerast Rótarýfélagi, en ég gekk í klúbbinn í mars 2022. Mér fannst líka heillandi að fá að vera hluti af alþjóðlegu neti einstaklinga sem vilja gera heiminn betri. Fyrir mér er Rótarý ekki bara klúbbur – það er samfélag hugsjónafólks sem vill gera gagn. Og það er mér sannur heiður að fá að vera hluti af því
Nýjast
-
Bókarkynning - Riðið í strauminn með Hermanni Árnasyni
Út er komin hjá Bókaútgáfunni Hólum bókin Með frelsi í faxins hvin – riðið í strauminn með Hermanni Árnasyni, sem Hjalti Jón Sveinsson hefur skráð. Allt hestafólk, hvar svo sem á landinu það býr, kannast við hestafrömuðinn Hermann Árnason á Hvolsvelli. Hann hefur stundað hestamennsku frá blautu barnsbeini og hafa tamning hrossa og meðferð þeirra, auk hestaferða, verið hugsjón hans alla tíð. Sum verkefni hans hafa verið hans eru með ólíkindum, eins og Vatnareiðin 2009 þegar hann reið, ásamt félögum sínum, yfir allar ár sem á vegi þeirra urðu frá Höfn í Hornafirði og vestur fyrir Hvítá í Árnessýslu. Að sjálfsögðu er sagt frá því ferðalagi í bókinni og einnig er fjallað Stjörnureiðina svokölluðu sem Hermann skipti í tvo 40 daga leiðangra, árin 2016 og 2018, og reið þá þvers og kruss yfir landið, á þann hátt að ferðirnar mynduðu orðið stjörnu þegar hann fór af hestbaki í lokin hennar. Þá segir frá Flosareiðinni 2016 þegar Hermann og tveir félagar hans riðu í spor Flosa í því skyni að sannreyna frásögn Njálssögu. Hér á eftir verður gripið niður í þá frásögn -
Vinnumálastofnun með viðveru á Húsavík
Vinnumálastofnun mun á næstu vikum hafa aukna viðveru á Húsavík. Starfsfólk þeirra mun hafa aðstöðu á Skrifstofu stéttarfélaganna, Garðarsbraut 26, venju samkvæmt. -
Norðurþing - Jólabærinn minn, viltu taka þátt?
Það verður sannkölluð jólastemming í Norðurþingi alla aðventuna! Fyrirtæki, íbúar og stofnanir eru hvött til standa fyrir viðburðum eða uppákomum til að koma íbúum, sem og gestum og gangandi, í jólaskapið. -
Sæfari siglir á ný
Sæfari hefur hafið siglingar á ný milli Dalvíkur og Grímseyjar eftir að hafa verið í slipp allan október vegna viðhalds. Fyrsta áætlunarferðin er í dag, með siglingu til Hríseyjar, og á morgun fer fyrsta ferðin til Grímseyjar eftir hléið. -
Þegar veikindi mæta vantrú
Það er fátt sem reynir meira á mann en að verða veikur, nema kannski að upplifa að manni sé ekki trúað. Þegar líkaminn bregst, en samfélagið virðist efast. Þegar fólk sem stendur í daglegu stríði við orkulítið líf og stöðug hjartsláttarónot finnur að kerfið sér það ekki. -
„Sofðu rótt í alla nótt“– Um stöðu íslenskunnar, lestrarmenningu og ákall til okkar sjálfra
Hvenær verður vandi að krísu? Að íslensk leikskólabörn séu æ oftar farin að spjalla sín á milli á ensku, telja á ensku, þekkja litina á ensku: Vandi eða krísa? Að nærri helmingur drengja geti ekki lesið sér til gagns: Vandi eða krísa? Að Ísland sé neðst Norðurlanda þegar kemur að lesskilningi nemenda, og að staðan sé sú að fá þátttökuríki PISA hafi lækkað jafnmikið frá síðustu aldamótum: Vandi eða krísa? -
Bakþankar bæjarfulltrúa - Afsakið kemst ekki á fundinn
Ég biðst afsökunar á því að komast ekki á fundinn núna á fimmtudaginn. Þar hefði ég sannarlega viljað vera og heyra álit ykkar á skipulagsmálum. Ekki síst þeirri þéttingarstefnu sem bæjaryfirvöld hafa sett á oddinn nú um alllangt skeið. -
Jóhannes Geir frá Öngulsstöðum hlaut viðurkenningu fyrir störf í þágu ferðaþjónustu
Jóhannes Geir Sigurgeirsson frá Öngulsstöðum í Eyjafjarðarsveit hlaut viðurkenningu fyrir störf í þágu ferðaþjónustu á uppskeruhátíð ferðaþjónustunnar á Norðurlandi sem haldin var í Skagafirði nýverið. -
Bágt ástand malarvega
Alvarlegt ástand malarvega í Þingeyjarsveit var til umræðu á fundi sveitarstjórnar á dögunum, en á þessu kjörtímabili hefur sveitarstjórn bókað þrisvar sinnum um bágt ástand þeirra.
