Ekki verður lengra gengið í hagræðingu á FSA án þess að skerða þjónustu
Þorvaldur segir að hagræðingaraðgerðirnar muni að stórum hluta byggjast á tillögum sem gerðar voru í framhaldi af starfsdegi með forstöðumönnum deilda í júní s.l. Margar þessara aðgerða séu smáar en hann minnir á að margt smátt gerir eitt stórt. "Í þeirri vinnu sem er í gangi við fjárlög næsta árs er gert ráð fyrir að Sjúkrahúsið á Akureyri hagræði í sínum rekstri sem nemur 1,5%. Það þýðir um 70 milljónir króna sem koma til viðbótar þeim halla sem verður á þessu ári. Miðað við rekstrarafkomu fyrstu 6 mánuði þessa árs þyrfti því að lækka rekstrargrunn sjúkrahússins á næsta ári um allt að 220 milljónir eða rúm 5%. Verði þetta niðurstaðan hefur sjúkrahúsið þurft að skera niður rekstur sinn um 750 mkr. frá árinu 2008 sem er á milli 15 og 16%. Frá árslokum 2007 til ársloka 2010 fækkaði starfsmönnum um 60 eða rúm 10%. Þrátt fyrir þessar breytingar hafa biðlistar ekki lengst og svo virðist sem okkur hafi tekist að veita nauðsynlega þjónustu og geta tryggt öryggi sjúklinga."
Þorvaldur segir að þetta hafi tekið á og að víða hafi hrikt í innra starfi sjúkrahússins og ljóst að starfsfólk (og sjúklingar) sé orðið afar þreytt á sparnaði og sífelldum niðurskurði. Starfsfólkið hafi hins vegar staðið sig frábærlega í þessu umróti og sinnt sjúklingum af mikilli fagmennsku og öryggi. "Ekki verður lengra gengið í hagræðingu hjá okkur án þess að hætta einhverri þjónustu eða skerða verulega frá því sem nú er. Á næstu vikum verður leitað leiða til að mæta þessari niðurskurðarkröfu án þess að öryggi sjúklinga sé ógnað en ljóst er að þjónusta mun skerðast. Veit ég að stýrihópurinn sem er að vinna að tillögum um nýja framtíðarsýn mun hjálpa okkur í þessari vinnu," segir Þorvaldur ennfremur á vef FSA.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
