Eins marks sigur Akureyringa í Höllinni
Akureyri vann nauman eins marks sigur gegn Fram á heimavelli í kvöld, 25-24, í háspennuleik í Höllinni fyrir norðan í N1-deild karla. Sveinbjörn Pétursson hélt upp á 23 ára afmælisdaginn með því að eiga stórleik í marki norðanmanna en hann varði 21 skot og nokkur þeirra á mikilvægum augnablikum. Magnús Gunnar Erlendsson var að sama skapi besti maður Fram í leiknum en hann varði 18 skot í marki gestanna á 40 mínútum.
Bæði lið spiluðu fasta og góða vörn í byrjun og lítið var skorað fyrstu mínútur leiksins. Jafnræði var með liðunum framan af og staðan 2-2 eftir átta mínútur. Fram komst tveimur mörkum yfir, 4-2, en þá settu norðanmenn í annan gír og breyttu stöðunni í 7-5 sér í vil. Akureyri komst svo þremur mörkum yfir 10-7.
Fram minnkaði muninn í eitt mark þegar tuttugu mínútur voru liðnar af leiknum en þegar þarna var komið við sögu var Magnús Gunnar Erlendsson kominn í mark Fram og reyndist hann norðanmönnum afar erfiður. Akureyringar náðu þó að hanga á tveggja marka forystu út hálfleikinn. Staðan 12-10 í leikhlé.
Framarar jöfnuðu metin snemma í seinni hálfleik í 14-14 og allt í járnum í Höllinni. Næstu mínútur skiptust liðin á að skora en Akureyringar voru alltaf skrefinu á undan og náðu tveggja marka forystu í ný, 17-15 og 19-17. Norðanmenn náðu svo þriggja marka forystu, 21-18, þegar níu mínútur lifðu leiks.
Fram hleypti Akureyringum ekki lengra fram úr sér og þjörmuðu að þeim og Einar Rafn Eiðsson minnkaði muninn niður í eitt mark, 23-24, þegar ein mínúta lifði leiks og spennan rafmögnuð í Höllinni. Akureyringar fengu svo dæmt vítakast þegar 40 sekúndur voru eftir í stöðunni 24-23. Bjarni Fritszon fór svellkaldur á vítapunktinn og gerði enginn mistök þar og kom Akureyringum tveimur mörkum yfir, 25-23, og þar með var björninn unninn. Sveinbjörn Pétursson kórónaði svo góðan afmælisleik með því að verja 21 skotið sitt í leiknum í næstu sókn Framara, en Einar Rafn Eiðsson náði hins vegar að minnka muninn í eitt mark í þann mund sem tíminn rann út. Lokatölur, 25-24.
Akureyringar skella sér með sigrinum upp að hlið Vals með tíu stig í fimmta til sjötta sæti, en Fram hefur áfram 12 stig í öðru sæti.
Mörk Akureyrar: Bjarni Fritzson 8 (4), Oddur Gretarsson 7, Geir Guðmundsson 3, Heimir Örn Árnason 3, Guðmundur Hólmar Helgason 4.
Varin skot: Sveinbjörn Pétursson 21 (1).
Mörk Fram: Einar Rafn Eiðsson 7, Stefán Baldvin Stefánsson 5, Jóhann Karl Reynisson 3, Sigurður Eggertsson 3, Ingimundur Ingimundarson 4, Arnar Birkir Hálfdánarson 1, Halldór Jóhann Sigfússon 1 (1).
Varin skot: Sebastian Alexanderson 2, Magnús Gunnar Erlendsson 18.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.