Einfaldur fiskréttur sem við elskum öll
Hulda Elma Eysteinsdóttir ásamt fjölskyldu sinni. Aðsend mynd
Matarhornið er einn af föstu liðum Vikublaðsins, hér er eitt sem birtist í prentútgáfunni fyrr í sumar.
„Ég er fjögurra barna móðir og eiginkona. Ég er ÍAK Einkaþjálfari og starfa ég við styrktarþjálfun hjá Þór og Þór/KA í Knattspyrnu, einnig er ég svo heppin að fá að þjálfa 60+ og 70+ hópana okkar á Bjargi,“ segir Hulda Elma Eysteinsdóttir en hún færir okkur gómsætar uppskriftir af þorski í karrýsósu og ljúffengri hráköku.
„Þegar Siggi er heima á hann eldhúsið og er hann mun meiri kokkur en ég. En þegar hann er á sjó græja ég nú oftast einhverja einfalda rétti fyrir okkur hin þar sem við erum öll á fullu í íþróttalífinu alla seinniparta. Hér er einn fiskréttur sem er rosalega einfaldur og við elskum öll“:
Þorskur í ljúffengri karrýsósu
Innihaldslýsing
1 kg þorskur
Smjör
3-5 hvítlauksrif
3,5 dl matreiðslurjómi
1,5 msk karrý
smá cayennepipar
1/2 grænmetisteningur
Salt eftir smekk
Leiðbeiningar:
Gerið hvítlaukssmjör á pönnu og steikið þorskinn í því í nokkrar mínútur á hvorri hlið. Kryddið með karrý, hellið rjóma yfir og myljið hálfan grænmetistening yfir. Látið suðuna koma upp. Smakkið til með cayennepipar (farið varlega og byrjið bara á örlitlu). Berið fram með hrísgrjónum eða soðnum kartöflum. Þegar ég vil gera vel við okkur geri ég líka hvítlauksbrauð með réttinum. Svo set ég saman það salat sem er til í ísskápnum.
Verði ykkur að góðu.
Dásamleg hrákaka
Innihaldslýsing
150 g möndlur
20 stk döðlur, steinlausar
2 msk kókosolía
1 tsk vanilludropar
hnífsoddur salt
3 msk sterkt kaffi
2/3 dl kókosflögur
2 msk kakó
150 g dökkt súkkulaði
Leiðbeiningar
- Byrjið á að rista möndlur í 225°c heitum ofni í um 10 mínútur (hrærið af og til í blöndunni). Takið út og kælið.
- Setjið döðlur, kókosolíu, kaffi, kakó, kókosflögur, salt og vanilludropa saman í matvinnsluvél og blandið vel saman. Grófsaxið möndlurnar og hrærið þær saman við.
- Mótið kökuna á kökudiski.Bræðið súkkulaðið og hellið yfir kökuna.
- Berið fram og njótið!
„Ég ætla að skora á hlaupadrottninguna Sigþóru Brynju Kristjánsdóttur að koma með uppskriftir fyrir næsta blað.“
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.