Efnt til samveru næstu mánudaga í Safnaðarheimilinu
Fyrsta samveran verður næstkomandi mánudag og hefst kl. 20 með stuttu spjalli frummælanda. Þar talar dr. Sigurður Kristinsson um gamlar og góðar dyggðir. Dr. Sigurður er forseti hug- og félagsvísindadeildar Háskólans á Akureyri. Kammerkórinn Hymnodia syngur. Eftir tónlistarflutning og molasopa svarar frummælandi fyrirspurnum. Þeim sem vilja stendur til boða að taka þátt í fyrirbænastund í kirkjunni áður en haldið er heim á leið. Fyrsta samveran verður næstkomandi mánudag. Allir eru hjartanlega velkomnir og er aðgangur ókeypis, enda gefa allir sem að málum koma vinnu sína. Margrét Blöndal verður fundarstjóri öll kvöldin.
"Krepputímum fylgir uppgjör. Þá er reynt að finna það sem farið hefur úrskeiðis og leiddi til þrenginganna. Vítin kortlögð til að unnt sé að varast þau. En kreppum fylgir ekki einungis uppgjör við fortíð. Þjóðin verður líka að gera upp við sig hvers konar framtíð hún vilji. Þar liggja helstu tækifæri kreppunnar. Hún er tækifæri til að staldra við. Láta ekki nægja að finna leiðirnar sem til kreppunnar lágu heldur uppgötva nýjar út úr henni. Opna nýjar dyr, ryðja nýjar brautir, skapa nýtt samfélag og íhuga þau gildi sem við viljum byggja það á," segir í tilkynningu frá prestum Akureyrarkirkju.
Ókeypis lögfræðiaðstoð
Lögmannavakt alla mánudaga milli kl. 17.30 og 19.00 frá og með mánudeginum 27. október. Boðið er upp á ókeypis lögfræðiaðstoð í Safnaðarheimili Akureyrarkirkju. Tímapantanir í síma kirkjunnar 462-7700, milli kl. 9.00 og 13.00, virka daga.
Barna - og unglingastarf
Í Akureyrarkirkju er öflugt starf fyrir börn á öllum aldri. Áhersla er lögð á gleði og notalega upplifun í kirkjunni. Samverustundirnar byggjast á söng, sögustund, leikjum, brúðuleikritum, föndri og samtali. Það eru prestar og leiðtogar sem hafa umsjón með stundunum ásamt aðstoðarleiðtogum sem eru ungmenni úr æskulýðsfélagi kirkjunnar.
Kirkjan vill gjarnan styðja við fjölskyldur með því að bjóða upp á margskonar uppbyggilegar samverur og skemmtun fyrir alla fjölskylduna. Oftar en ekki koma góðir gestir í heimsókn til krakkanna, má þar nefna Stopp-leikhópinn, Bernd Ogrodnik og brúðuleikhús hans, Kristniboðssambandið, Lögreglan og fleiri góðir.
Auk þess fara eldri hóparnir gjarnan í eina eða tvær ferðir yfir veturinn og er þá gist einhversstaðar yfir eina nótt. Æskulýðsfélagið hefur farið á Landsmót í október og TTT-starfið fer á Stórutjarnir í nóvember.
Þátttaka í kirkjustarfinu er ókeypis að undanskildum mótunum, en þáttakendur hafa greitt að hluta fyrir ferðir og upphald.
Eftirfarandi hópar starfa í kirkjunni:
Sunnudagaskólinn: Á sunnudögum kl. 11. Fyrir alla aldurshópa, miðast þó einkum við 3- 10 ára.
Alla miðvikudaga:
Kirkjuprakkarar: kl. 16-17. Fyrir krakka í 1.-4. bekk, TTT: kl. 17-18. Fyrir krakka í 5.-7. bekk, ÆFAK: kl. 20-21. Fyrir 8.-10. bekk.
Mömmumorgnar kl. 9.30-11.30. Dagmæður og foreldrar ungra barna koma saman. Spjallað yfir kaffibolla meðan börnin leika sér saman í góðum félagsskap.
Nánari upplýsingar gefur Sólveig Halla í síma 462 7700
Nýjast
-
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.