Drift EA - Vilja tengja rótgróin fyrirtæki og frumkvöðla
Frá upphafsfundinum Mynd Aðsend
Drift EA hefur formlega sett af stað verkefnið Ignite Nordic á Íslandi, nýtt samstarfsverkefni sem hefur það að markmiði að að efla nýsköpun með því að tengja frumkvöðla, fyrirtæki og opinbera aðila og skapa þannig ný tækifæri til samstarfs, atvinnuuppbyggingar og verðmætasköpunar, ekki síst á landsbyggðinni.
Af því tilefni heimsótti Logi Einarsson, ráðherra nýsköpunar, Drift EA á Akureyri og verkefninu formlega hleypt af stokkunum. Markmið þess er að auka samkeppnishæfni fyrirtækja með því að auðvelda þeim að nýta nýsköpun í rekstri sínum, um leið og frumkvöðlar fá tækifæri til að þróa lausnir sínar í samstarfi við raunverulega viðskiptavini. Verkefnið auðveldar sprotafyrirtækjum að komast í samband við sína fyrstu stærri viðskiptavini og styður fyrirtæki og stofnanir við að finna nýjar lausnir við raunverulegum áskorunum. Með markvissri pörun áskorana og lausna skapast grundvöllur fyrir samstarf sem leiðir til nýsköpunar, vaxtar og aukinnar verðmætasköpunar.
„Íslendingar búa yfir miklu hugviti og öflugum frumkvöðlum um allt land. Ein stærsta áskorunin er þó oft að skapa tengslin milli þeirra sem þróa nýjar lausnir og þeirra sem geta nýtt þær. Ignite Nordic er skref í þá átt að stytta þessa leið, efla samstarf og skapa ný tækifæri til verðmætasköpunar. Þannig styrkjum við samkeppnishæfni atvinnulífsins og styðjum við öfluga atvinnuuppbyggingu um land allt,“ segir Logi Einarsson, menningar-, nýsköpunar- og háskólaráðherra.
Verkefnið er leitt af Drift EA á Akureyri í samstarfi við norræna samstarfsaðila, Samtök sveitarfélaga á Norðurlandi eystra (SSNE), Samtök sveitarfélaga á Vesturlandi (SSV),
Háskólafélag Suðurlands (HFSU), KLAK – Icelandic Startups, Sjávarklasann, IceBAN – Samtök englafjárfesta á Íslandi og Fjársýsluna.
„Oft eru lausnirnar til staðar en tengingarnar vantar. Með Ignite Nordic á Íslandi viljum við skapa markvissan vettvang þar sem fyrirtæki og frumkvöðlar geta fundið hvort annað og byggt upp samstarf sem leiðir til vaxtar og nýsköpunar,“ segir Sesselja Barðdal Reynisdóttir, framkvæmdastýra Driftar EA.
Ignite Nordic er fjármagnað af menningar-, nýsköpunar- og háskólaráðuneytinu, Drift EA, Samtökum sveitarfélaga á Vesturlandi (SSV), Samtökum sveitarfélaga á Norðurlandi eystra (SSNE) og Háskólafélagi Suðurlands (HFSU).
Þetta segir i tilkynningu
Nýjast
-
Framkvæmdum að innan að ljúka
Frístund og félagsmiðstöð á Húsavík -
Góð verkefnastaða hjá Slippnum í sumar og fram eftir hausti
„Verkefnastaða í sumar hefur verið góð og mikið að gera. Það hefur verið þéttbókað hjá okkur og talsverð umsvif en það er vaninn yfir sumarið,“ segir Magnús Blöndal sviðsstjóri DNG vinnslubúnaðar hjá Slippnum á Akureyri. Útlitið fyrir komandi haust er einnig gott. -
Drift EA - Vilja tengja rótgróin fyrirtæki og frumkvöðla
Drift EA hefur formlega sett af stað verkefnið Ignite Nordic á Íslandi, nýtt samstarfsverkefni sem hefur það að markmiði að að efla nýsköpun með því að tengja frumkvöðla, fyrirtæki og opinbera aðila og skapa þannig ný tækifæri til samstarfs, atvinnuuppbyggingar og verðmætasköpunar, ekki síst á landsbyggðinni. -
Göngustígar í Krossanesborgum lagfærðir
Unnið hefur verið að lagfæringum á göngustígum í Krossanesborgum í sumar og er stefnt að því að halda framkvæmdum áfram næsta sumar. -
Slösuðum ferðamanni bjargað úr gili
Björgunarsveitir á NA landi voru boðaðar út vegna ferðamanns sem hafði hrasað illa á göngu við Hafragilsfoss skammt frá Dettifossi. Ljóst var í upphafi að nokkuð verkefni væri að koma hinum slasaða úr gilinu sem hann var í og var því jafnframt óskað eftir þyrlu Landhelgisgæslunar í verkefnið. -
Börn á Húsavík gerðu sinn eigin sólmyrkva
Síðdegis í dag, kl 16:47 eða nákvæmlega 48 klukkustundum fyrir sólmyrkva stóðu Hagsmunasamtök barna á Húsavík fyrir áhugaverðum viðburði á Húsavík. -
Fjölnýtingarhús við Þeistareyki risið af grunni
Unnið hefur verið að byggingu fjölnýtingarhússins við Þeistareyki í júní og það er farið að taka á sig endanlega mynd. Húsið verður fyrst um sinn hvítt en síðar klætt með grænni klæðningu, sambærilegri þeirri sem prýðir aðrar byggingar á svæðinu. -
JMJ fagnar 70 ára afmæli – sama fjölskyldan rekið verslunina frá upphafi
JMJ fagnar í ár merkum áfanga en 70 ár eru liðin frá því að verslunin var opnuð í fyrsta sinn. Afmælinu verður fagnað með sérstökum afmælisdegi á morgun þriðjudaginn 11. ágúst. -
Sumar án aðgerða
Á meðan athygli stjórnmálamanna og kjósenda beinist að þjóðaratkvæðagreiðslu um ESB tikkar klukkan á vinnumarkaði. Þann 27. ágúst nk. verður vísitala neysluverðs birt og ársverðbólga mun mælast svo há að forsendur kjarasamninga bresta. Mánuðum saman hefur verkalýðshreyfingin kallað eftir aðgerðum og viðbrögðum frá bæði stjórnvöldum og fyrirtækjum, en án árangurs.
