Dagur tónlistarskólanna í Hofi í dag
Nemendur Tónlistarskólans á Akureyri sýndu skemmtileg tilþrif á Degi tónlistarskólanna í Hofi í fyrra.
Það verður mikið um dýrðir í Hofi í dag, laugardaginn 3. mars nk., þar sem Dagur tónlistarskólanna verður haldinn hátíðlegur, með hljóðfærakynningu og fjölda tónleika. Kolbrún Jónsdóttir aðstoðarskólastjóri Tónlistarskólans á Akureyri, segir að það ættu allir að geta fundið eitthvað við sitt hæfi. Dagskráin hófst nú kl. 10 og stendur fram til kl. 17.00 og er aðgangur ókeypis. Þetta er í annað sinn sem Dagur tónlistarskólanna er haldinn í Hofi og segir Kolbrún að húsið henti einstaklega vel fyrir svona uppákomu. Áður var dagskráin á fleiri en einum stað í bænum. Þetta er stærsti og viðburðarríkasti dagurinn okkar, þar sem í boði verður fjölbreytt dagskrá. Það taka fjölmargir nemendur þátt í deginum, allt frá þeim yngstu og upp í þá sem lengst eru komnir og við reynum að sýna þversniðið á þessum tónleikum. Þá verðum við með hljóðfærakynningu á stóra sviðinu í Hofi kl. 11.00 og þar geta ungir sem aldnir fengið kynningu á öllum þeim hljóðfærum sem kennt er á við skólanum. Eftir hljóðfærakynninguna verður ratleikur fyrir börnin, sem mun aðallega berast upp í húsnæði Tónlistarskólans á þriðju hæð. Þar verða stofur opnar og hægt verður að kynna sér hljóðfærin betur og prófa þau, segir Kolbrún.
Hún hvetur bæjarbúa til að koma í Hof á laugardag og kynna sér það öfluga starf sem fram fer í skólanum, kynnast hljóðfærum og hlýða á fjölbreytta tónleika. Eldri nemendur verða klassíska tónleika í Hamraborg kl. 12.30 og klassískir tónleikar verða í Hömrum kl. 13.30. Fram koma yngri hópar Suzukinemenda en einnig verða einleiksatriði. Hljómsveitir skólans, strengjasveitir 1 og 2, Grunnsveit, Blásarasveit, Big Band, Tangoband og slagverkshópar verða með tónleika í Hamraborg kl. 14.30. Kl. 16:00 verða rytmískir tónleikar í Hömrum, þar sem fram koma Jazz- og dægurhljómsveitir skólans ásamt söngnemendum.
Alls eru um 430 nemendur í Tónlistarskólanum á Akureyri og rúmlega 40 starfsmenn, en margir kennarar eru í hlutastarfi. Kolbrún segir að starfið í skólanum sé mjög öflugt, bæði í klassísku og rythmísku námi, en kennt er samkvæmt námskrá frá mennta- og menningarmálaráðuneytinu. Við erum alltaf með þessu opinberu áfangapróf fyrir páska og það stefnir í á milli 50 og 60 áfangapróf núna, sem er svipaður fjöldi og á síðasta ári, segir Kolbrún.
Nýjast
-
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.