Dagskráin 17. júní á Akureyri
Þjóðhátíðardagurinn verður haldinn hátíðlegur á Akureyri á morgun með skipulagðri dagskrá. Í ár er það skátafélagið Klakkur sem sér um hátíðahöldin. Það kennir ýmissa grasa í dagskránni sem hefst formlega kl. 10 í fyrramálið. Hér á eftir verður stiklað á stóru í dagskránni.
Dagskráin á Akureyri hefst klukkan 10 með því að Lúðrasveit Akureyrar "vekur bæinn" með viðkomu á Fjórðungssjúkrahúsinu, Dvalarheimilinu Hlíð og fleiri stöðum.
Klukkan 13 hefst hátíðardagskrá í Lystigarðinum þar sem Hermann Jón Tómasson bæjarstjóri flytur ávarp, séra Jóna Lísa Þorsteinsdóttir leiðir helgistund og kór Akureyrarkirkju syngur.
Klukkan 13.30 leggur skrúðgangan af stað niður á Ráðhústorg þar sem fjölskylduskemmtun hefst klukkan 14. Auk hefðbundinni liða á borð við ávarp nýstúdents og fjallkonu verður reynt að mynda stærsta barnakór Íslands og verður það verkefni í höndum Heimis Ingimarssonar. Töframaður ungi Einar einstaki stígur á svið, Leikhópurinn Lotta, Skólahljómsveit Austurbæjar, Dansfélagið Vefarinn, Húni II siglir á Pollinum og fleira. Ekki má gleyma hinu sívinsæla skátatívolí sem verður sett upp í miðbænum en það er Skátafélagið Klakkur sem skipuleggur dagskrána. Kynnar verða þau Ingimar Björn Davíðsson og Sigyn Blöndal.
Hátíðardagskráin á Ráðhústorgi stendur til klukkan 17 og hefst svo aftur klukkan 21. Þá verður m.a. boðið upp á atriði úr sýningu Freyvangsleikhússins Vínlandið sem gerði í vikunni góða ferð suður yfir heiðar, Point dansstudíó sýnir atriði úr Hairspray, hljómsveitin Umsvif spilar og það er svo í höndum hljómsveitarinnar Manhattan að klára kvöldið en það endar eins og venjulega með þeirri akureysku hefð að nýstúdentar frá Menntaskólanum fjölmenna um miðnætti á Ráðhústorgog marsera glaðir í bragði út í lífið.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.