Nýr framsækinn meirihluti tók við hér á Akureyri í vor. Meirihluti sem ætlar að sinna samfélagslegri ábyrgð. Í samræmi við málefnasamning meirihlutans er lögð áhersla á ábyrga fjármálastjórn og virka þátttöku í því verkefni að vinna gegn verðbólgu og vöxtum hefur verið lagður fram aðgerðapakki í nokkrum liðum sem samþykktur var af öllum fulltrúum í bæjarráði. 

Listasumar 2026 byrjar með alvöru stuði í dag, fimmtudag kl. 20, þegar Magni og Erna Hrönn stíga á svið ásamt hljómsveit og breyta Göngugötunni á Akureyri í dansgólf.

Keppendur frá ÍF Akri  komu sáu og sigruðu á Íslandsmeistaramótinu í bogfimi utandyra en mótið fór fram í Fagralundi Kópavogi  um s.l. helgi.

Ræða Karls Frímannssonar, skólameistara Menntaskólans á Akureyri, við útskrift skólans 17. júní sl. hefur vakið mikla athygli. Þar lýsti Karl stöðu framhaldsskólanna af mikilli hreinskilni um leið og hann fullyrti að málefni framhaldsskóla hafi verið vanrækt um langt skeið, framtíðarsýn stjórnvalda sé óskýr og aðgerðaleysi hafi lengi einkennt málaflokkinn. Þegar skólameistari eins af elstu og virtustu framhaldsskólum landsins talar svo skýrt, þá eigum við að hlusta vel.

Kaupvangsstræti (Listagilið) verður lokað bæði á fimmtudag og föstudag vegna fræsingar á götu og malbikunarvinnu á kaflanum milli Glerárgötu og Oddeyrargötu.

Kaupvangsstræti lokað að Oddeyrargötu ( Gilið):

Dags: 25.06. kl. 9-19 - Heilrfræsing

Dags: 26.06. kl. 9-19 – Malbikun

Meðfylgjandi er lokunarkort af framkvæmdasvæðinu.

Við þinglok 2026 náðist mikilvægur áfangi í réttindabaráttu eldra fólks þegar Alþingi samþykkti einróma frumvarp Nönnu M. Gunnlaugsdóttur og meðflutningsmanna hennar um breytingar á gildistíma ökuskírteina eldri ökumanna. Með lagabreytingunni er komið til móts við kröfur sem eldri borgarar hafa lengi sett fram um sanngjarnari og nútímalegri reglur um endurnýjun ökuskírteina.

Hvalaráðstefnan 2026 verður haldinn í dag, fimmtudaginn 25. júní

Háskólahátíð — brautskráning kandídata frá Háskólanum á Akureyri fór fram í fjórum athöfnum í Hátíðarsal Háskólans á Akureyri 19. og 20. júní. Aldrei hafa fleiri kandídatar brautskráðst frá háskólanum. Samtals brautskráðust 639 kandídatar í grunn- og framhaldsnámi af tveimur fræðasviðum sem er um 8% aukning frá fyrra ári.

„Við erum svona tveimur vikum á eftir meðalári þegar tíðarfar er með eðlilegum hætti,“ segir Hermann Ingi Gunnarsson bóndi í Klauf í Eyjafjarðarsveit um heyskapinn sem fer mjög rólega af stað þetta árið.

Tryggð MA stúdenta getur verið mikil og birst með ólíkum hætti. Guðrún Hlín Þórarinsdóttir sem er fædd árið 1947 hefur að mestu verið viðstödd skólaslit frá árinu 1949 en hún fékk þá að vera viðstödd, tveggja ára gömul, þegar pabbi hennar, Þórarinn Björnsson, sleit skóla það ár. Þetta kemur fram á  heimasíðu MA.

Skóflustunga vegna byggingar á nýrri álmu við Sjúkrahúsið á Akureyri, SAk er mikið fagnaðarefni. Með því hefst framkvæmdin formlega og eru það tímamót sem lengi hefur verið stefnt að og marka upphafið að einu mikilvægasta heilbrigðisverkefni á landsbyggðinni.

Rekstur Samherja hf. gekk vel á árinu 2025. Tekjur samstæðunnar námu 78,4 milljörðum króna og hagnaður fyrir skatta, afskriftir og fjármagnsliði (EBITDA) nam 10,7 milljörðum króna og jókst um 1,8 milljarða milli ára.   Heimasíða Samherja sagði fyrst frá.

Á þessum árstíma fyllast samfélagsmiðlar af færslum og myndum af útskriftum og fagnaðarstundum. Þá minnir einnig Júbilantahátíð Menntaskólans á Akureyri okkur árlega á þann mikilvæga sess sem menntun hefur í sögu bæjarins og lífi þúsunda Íslendinga.

Verksmiðjan er sú fyrsta sinnar tegundar í heiminum sem nýtir jarðvarma beint í framleiðslu á vetni með háhita rafgreiningu 

Nýr eldaskáli verður vígður í Vaglaskógi föstudaginn 26. júní. Í tilefni viðburðarins verður efnt til veislu í eldaskálanum frá kl. 14-16.

Sumarverkefni hafa nú tekið við í Hlíðarfjalli og eru þau ærin.

Vísindaskóli unga fólksins stendur yfir þessa viku og Áslaug Ásgeirsdóttir rektor tók á móti tæplega níutíu verðandi vísindafólki í morgun og ávarpaði. Það má fastlega gera ráð fyrir aukinni umferð um ganga skólans þessa viku en vonandi gengur samstarfið við fastafólkið jafnvel og á undanförnum árum. Eftirspurn eftir skólaplássi hefur aldrei verið meiri og að þessu sinni var langur biðlisti eftir plássum. Skólinn er fyrir börn á aldrinum 11-13 ára og í ár eru talsvert fleiri drengir en stúlkur í nemendahópnum.

Anna Dagbjört Andrésdóttir er handhafi menningarverðlauna Þingeyjarsveitar árið 2026, en verðlaunin voru afhent við hátíðarhöld á þjóðhátíðardaginn 17.júní.

Listasumar á Akureyri hefst fimmtudaginn 25. júní og stendur í rúmar þrjár vikur með alls konar viðburðum um allan bæ fyrir fólk á öllum aldri. Einn af hápunktum hátíðarinnar verður á sjálfan opnunardaginn þegar Gilfélagið býður gestum og gangandi á dansiball í göngugötunni.

Vísindafólkið okkar – Giorgio Baruchello

Vísindafólkið okkar er mánaðarleg kynning á rannsakendum Háskólans á Akureyri. Giorgio Baruchello, prófessor við félagsvísindadeild, er vísindamanneskja mánaðarins.

„Staðan er einfaldlega þannig að það er enginn tilbúin til að taka þetta verkefni að sér. Við höfum auglýst eftir nýjum stjórnendum en áhuginn hefur því miður ekki verið mikill,“ segja þær Bryndís Hauksdóttir og Sigríður Pedersen sem haldið hafa um stjórnartauma á viðburðinum Mömmur og möffins en hafa ekki tök á því nú.

Lóðarhafi á lóð við Lönguhlíð 28 á Akureyri hefur óskað eftir framlengingu á byggingafresti til 1. júlí 2026. Lóðarhafi viðurkennir að fresturinn sé liðinn og óskar eftir jákvæðri afgreiðslu skipulagsráðs á beiðni um framlengingu en hann hafi lagt fram nýja framkvæmdaáætlun sem sýni að undirstöður verði komnar vel á veg fyrir 1. júlí. Og þeim verði lokið haustið 2027.

Að nýloknum þjóðhátíðardegi okkar Íslendinga er við hæfi að hugsa um liðna tíð og fagna frelsi og áhyggjuleysi æskuáranna. Lífinu sem foreldrar mínir gáfu mér og það öryggi sem ég ólst upp við. Heimurinn virtist svo einfaldur þá, enda forréttindi að alast upp í litlu samfélagi norður á hjara veraldar. Húsavík „my hometown“ er og var svo sannarlega nafli alheimsins.

„Eigum við ekki að segja að við vinnum eftir tveggja ára plani,“ segir Benedikt Grétarsson hjá Jólagarðinum í Eyjafjarðarsveit. Nú í vikunni vakti flutningur á hinu sögufræga BSO húsi frá Akureyri og að Jólagarðinum mikla athygli. Enn er óráðið á hvern hátt húsið verður nýtt í framtíðinni.

Framkvæmdasýslan- Ríkiseignir hefur valið tilboð Reita fyrir uppbyggingu hjúkrunarheimilis á Akureyri í útboði sem lauk nýlega. Hjúkrunarheimilið verður við Þursaholt 6 og um 9.100 fermetrar að stærð. Þar verður rými fyrir 140 íbúa.

Bæjarráð Akureyrar hefur falið bæjarstjóra að kalla eftir nánari upplýsingum frá Vegagerðinni vegna siglinga ferjunnar Sæfara, en ákveðið var nýverið að fella niður fimmtudagsferðir skipsins á tímibili frá miðjum janúar fram í miðjan maí. Hlaut sú ákvörðun lítinn hjómgrunn meðal íbúa eyjarinna.

Skipulagsráð Akureyrar hefur samþykkt að biðsvæði fyrir leigubíla verði við Túngötu í miðbæ Akureyrar. Það verði gert til reynslu til 1. október 2026. Áður hefði skipulagsráð kynnt tillögu þessa efnis fyrir hagsmunaaðilum á svæðinu og bárust tvær athugasemdir.