Býst ekki við neinu öðru en hörkuleik
Þrír leikir fara fram í N1-deild karla í handknattleik í kvöld. Í Höllinni á Akureyri taka heimamenn á móti Aftureldingu, FH sækir Fram heim og Valur tekur á móti Gróttu. Akureyri leikur sinn annan heimaleik í röð í kvöld en liðið kom sér aftur á sigurbraut í deildinni með 34-21 sigri gegn Gróttu í síðustu umferð.
Lið Aftureldingar lagði topplið Fram óvænt að velli á sama tíma og ljóst að ekki má vanmeta Mosfellinga. Bæði Akureyri og Afturelding töpuðu í bikarnum um síðustu helgi og mæta því særð til leiks. Aðeins eitt stig skilur liðin að fyrir leikinn í kvöld, Akureyri hefur fimm stig í sjötta sæti en Afturelding fjögur stig í því sjöunda.
Það er ekkert annað í stöðunni en að rífa sig upp. Núna er þetta eina keppnin sem eftir er hjá okkur eftir tapið í bikarnum. Við þurfum því heldur betur að girða okkur í brók og fara að hala inn stig í deildinni, segir markvörðurinn geðugi í liði Akureyrar, Sveinbjörn Pétursson. Ég býst ekki við neinu öðru en hörkuleik í kvöld. Afturelding sýndi gegn Fram að þetta er lið sem berst til síðasta blóðdropa og þegar þeir hafa trú á verkefninu fara þeir langt. Þeir eru með hörkugott lið Mosfellingar og þar á meðal hörkumarkverði, segir Sveinbjörn.
Nánar er hitað upp fyrir leikinn og fjallað um N1-deild karla í Vikudegi í dag.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
