Byggðir og bú komin út
Byggðir og bú Suður-Þingeyinga 2025, sem er fjórða útgáfa ritsins. Mynd aðsend
Útgáfa bókarinnar Byggðir og bú í Suður-Þingeyjarsýslu, eða Búkollu í daglegu tali, byggir á rúmlega sextíu ára útgáfusögu. Ritið lýsir jörðum, byggingum, búfjárhaldi, ábúendum og sveitum héraðsins og varð frá upphafi fyrirmynd sambærilegra verka um land allt.
Byggðir og bú Suður-Þingeyinga 2025, sem er fjórða útgáfa ritsins, varpar jafnframt ljósi á hraðar breytingar í landbúnaði og búsetu frá síðustu útgáfu: búum hefur fækkað og þau stækkað, ferðaþjónusta og búseta án landbúnaðar aukist og frístundabyggðum fjölgað.
Ritstjóri bókarinnar, Sólrún Harpa Sveinbjörnsdóttir, segir að í bókinni sé einnig að finna sagnaþætti, ljóð, þjóðsögur og ýmislegt fleira skemmtilegt tengt jörðum og ábúendum fyrr og síðar.
Búkolla hefur fylgt kynslóðunum í sveitinni sem mikið þarfaþing og uppflettirit síðustu sextíu árin, en Sólrún man vel eftir bókinni frá sinni barnæsku í Aðaldalnum. „Ef það vantaði svar við einhverjum vangaveltum um fólk eða bæi, þá var bókinni snarast skellt á borðið,“ segir hún.
Að útgáfunni stendur Búnaðarsamband Suður-Þingeyinga en ritnefnd var skipuð Böðvari Péturssyni formanni, Sólrúnu Hörpu Sveinbjörnsdóttur ritstjóra auk Atla Vigfússonar og Guðnýjar Sverrisdóttur. Myndir af bæjum og uppsetning bókarinnar var í höndum Halldóru Kristínar Bjarnadóttur og Sólborg Matthíasdóttir tók myndir af ábúendum.
Ritið er hægt að panta á www.byggdirogbu.is og útgáfuhóf bókarinnar verður haldið í félagsheimilinu að Breiðumýri í Reykjadal fimmtudaginn 17. september kl. 20.00.
Frá þessu segir í tilkynningu frá útgefendum.
Nýjast
-
Framsýn - Stjórnvöld verið með okkur í liði
Stjórn og trúnaðarráð Framsýnar kom saman til fundar síðasta mánudag. Þar kom fram megn óánægja með fjárlagafrumvarpið er viðkemur sérstaklega auknum álögum á alþýðu landsins og ætlun stjórnvalda að selja byggingar á Húsavíkurflugvelli og veikja þar með stöðu flugvallarins. Eftir góðar og málefnalegar umræður var eftirfarandi ályktun samþykkt samhljóða: -
Áhersla á styttingu og nútímavæðingu þjóðvegar milli Akureyrar og Reykjavíkur
Bæjarstjórn Akureyrar leggur ríka áherslu á að stytting og nútímavæðing þjóðvegarins milli Akureyrar og Reykjavíkur er eitt stærsta og mikilvægasta hagsmunamál bæjarfélagsins til framtíðar litið. -
Timburmenn
Nú þegar rykið er að setjast eftir róstursama kosningabaráttu líður mér eins og ég sé með vott af timburmönnum. -
Bergið eykur þjónustu við ungmenni
Öll tíu sveitarfélögin innan SSNE hafa samþykkt samstarfssamning við Bergið Headspace um aukna stuðnings- og ráðgjafarþjónustu fyrir ungmenni á Norðurlandi eystra. -
Byggðir og bú komin út
Útgáfa bókarinnar Byggðir og bú í Suður-Þingeyjarsýslu, eða Búkollu í daglegu tali, byggir á rúmlega sextíu ára útgáfusögu. Ritið lýsir jörðum, byggingum, búfjárhaldi, ábúendum og sveitum héraðsins og varð frá upphafi fyrirmynd sambærilegra verka um land allt. -
Framtíðin er björt - Þvílík negla!
Skógræktarfélag Eyjafjarðar segir frá þvi á samfélagsmiðlum að nýnemar við VMA, hafi í í gær komið færandi hendi Kjarnaskóg þegar krakkarnir færðu skóginum tvö lautarferðarborð að gjöf . ,,Að eigin frumkvæði lögðu krakkarnir í púkk fyrir efniskostnaði og um 40 nýnemar byggingardeildar sáu svo um smíðavinnu alla, undir styrkri handleiðslu Jóhanns kennara síns ásamt því að færa okkur borðin í Kjarna" segir í áður nefndri frásögn. -
Áforma gagnaver á Bakka fyrir um 120 milljarða króna
Áform um stórt gagnaver á iðnaðarsvæðinu á Bakka við Húsavík voru kynnt á opnum fundi á Fosshótel Húsavík í dag. -
Glæsilegt Filippseyjakvöld hjá starfsfólki ÚA
Um 110 starfsmenn og gestir tóku þátt í vel heppnuðu Filippseyjakvöldi á laugardaginn, sem haldið var á vegum starfsmannafélags Útgerðarfélags Akureyringa (STÚA). -
Tafir á framkvæmdum í Hlíðahverfi
Í sumar hefur verið unnið að því að fjarlægja hitaveitubrunna í Hlíðarhverfi og gerðar hafa verið breytingar á lagnakerfi hitaveitu. Samhliða þessari vinnu hefur Akureyrarbær staðið fyrir framkvæmdum á svæðinu í Skarðshlíð.
