Búist við hátt í 70 þúsund farþegum með skemmtiferðaskipum
Skemmtiferðaskipin sem koma til Akureyrar eru sífellt að verða stærri og farþegafjöldinn meiri. Mynd: Hörður Geirsson.
Alls hafa verið boðaðar komur 66 skemmtiferðaskipa til Akureyrar næsta sumar, eða 10 fleiri en sl. sumar, samkvæmt upplýsingum Péturs Ólafssonar skrifstofustjóra Hafnasamlags Norðurlands. Fimm skemmtiferðaskip munu jafnframt hafa viðkomu í Grímsey. Með skemmtiferðaskipunum sl. sumar komu tæplega 50.000 farþegar en Pétur gerir ráð fyrir að farþegum muni fjölga um tæplega 40% næsta sumar, miðað við stöðuna nú og verði hátt í 70.000 talsins.
Pétur segir að flest skipanna sem væntanleg eru næsta sumar hafi komið hingað áður en einnig sé von á nýjum risaskipum til bæjarins. Stærsta skipið sem boðað hefur komu sína heitir Chelebrity Eclipse, það er 122.000 tonn að stærð, um 317 metrar að lengd og tekur um 3.000 farþega. Pétur er því bjartsýnn fyrir komandi sumar.
Pétur gerir ráð fyrir því að farþegum skemmtiferðaskipa muni fjölga jafnt og þétt á næstu árum, enda séu sífellt stærri skip að boða komur sínar til Akureyrar. Árið 2013 er t.d. von á skemmtiferðaskipi til bæjarins, sem er 137.000 tonn að stærð og 311 metrar að lengd. Pétur gerir ráð fyrir því að eftir 10 ár, verði fjöldi farþega með skemmtiferðaskipum sem koma til Akureyrar orðinn 150.000 talsins og að í áhöfn skipanna verði um 60.000 manns.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.