Brýnt að bæta æfingaaðstöðu Óðinsfélaga í sundlaugunum
Þeir hafa óskað eftir fundi með Íþrótta- og tómstundaráði Akureyrar til að fara yfir mál félagsins, en þess hefur verið farið á leit við ráðið að það aðstoði félagið við að fá viðunandi félagsaðstöðu við Sundlaug Akureyrar og æfingaaðstöðu í sundlaugum bæjarins. Ásta Birgisdóttir formaður Sundfélagsins Óðins segir að um 250 iðkendur séu nú innan raða þess, en vart hafi verið hægt að taka inn nýja félaga síðastliðin tvö ár. Yfir 50 börn séu nú á biðlista eftir að plássi, en þau eru af skornum skammti.
"Það virðist vera að þeir sem hefja æfingar líki vel og brottfall er afar lítið, sem vissulega gleður okkur," segir hún. Það valdi á hinn bóginn því að erfitt sé að færa iðkendur upp um hópa og nú sé svo komið að ófremdarástand ríki í Sundlaug Akureyrar. Fimm mismunandi hópar æfi þar frá kl. 16 til 21, í tveimur þeirra séu um 40 börn sem deila þurfi með sér fjórum brautum.
Þá bendir Ásta á að ekkert pláss sé í lauginni til að geyma æfingabúnað elstu sundiðkendanna og hafi hann verið á hrakhólum um langt skeið. Um sé að ræða dýran búnað sem börnin eigi sjálf en ekki sé heppilegt að þau taki hann með sér heim að lokinni hverri æfingu.
Ásta nefnir einnig að ekki sé til fullkominn tímatökubúnaður í Sundlaug Akureyrar, slíkur hafi verið fenginn að láni sunnan úr Reykjavík en sé nú ónýtur. Aldursflokkameistaramót verði haldið á Akureyri á næsta ári og sem og Landsmót UMFÍ og því sé nauðsynlegt að bregðast skjótt við og bæta úr.
Sundfélagið Óðinn hefur lítið herbergi til afnota í íþróttahúsinu í Laugagötu, en það rúmar varla alla stjórnarmenn á fundi og því sé einnig brýnt að bæta úr þeim vanda og bjóða félaginu upp á viðunandi aðstöðu.
Nýjast
-
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.