Björgvin og Íris skíðafólk ársins
Björgvin Björgvinsson er skíðamaður ársins.
Dalvíkingurinn Björgvin Björgvinsson og Íris Guðmundsdóttir frá Akureyri hafa verið valin skíðafólk ársins af Skíðasambandi Íslands. Bæði eiga þau hins vegar það sameiginlegt að vera hætt skíðaiðkun. Björgvin er fjórfaldur Íslandsmeistari á árinu 2011. Síðasta vor sigraði hann í svigi, stórsvigi, samhliðasvigi og alpatvíkeppni á Skíðamóti Íslands. Einnig varð Björgvin bikarmeistari Skíðasambands Íslands. Á heimslista Alþjóða skíðasambandsins er Björgvin í 73. sæti í svigi eftir að hafa komist hæst í 51. sæti. Björgvin tilkynnti það í sumar að hann leggði skíðin á hilluna og er ástæða þess mikill fjárhagslegur kostnaður afreksmanns á skíðum við að halda sér í fremstu röð. Íris hefur verið fremsta skíðakona landsins undanfarin ár. Síðastliðinn vetur náði hún sínum besta árangri á sterku alþjóðlegu svigmóti í Noregi þegar hún varð í 2. sæti og fékk 35,86 FIS stig. Hún keppti fyrir Íslands hönd á heimsmeistarmótinu á skíðum í Garmisch-Partenkirchen en féll úr leik í fyrri umferð í svigi og síðari umferð í stórsvigi eftir að hafa verið í 55. sæti eftir fyrri umferð. Í vor varð Íris Íslandsmeistari á skíðum í svigi, stórsvigi og alpatvíkeppni. Á heimslista Alþjóða skíðasambandsins er hún í 502. sæti í svigi og 749. sæti í stórsvigi. Þrátt fyrir góðan árangur síðastliðinn vetur og undanfarin ár þá hefur Íris lagt skíðin á hilluna. Endurtekin meiðsli og mikill kostnaður við að vera í fremstu röð sem skíðamaður vega þungt í þeirri ákvörðun.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.