Bjartsýnn á að ráðist verði í Vaðlaheiðargöng
Sigmundur Ernir Rúnarsson þingmaður Samfylkingarinnar í Norðausturkjördæmi er bjartsýnn á að ráðist verði í framkvæmdir við Vaðlaheiðargöng. Göngin þurfi þó að vera rekin á faglegum forsendum, þannig að fjármögnunin og verkþátturinn séu á pari við þær áætlanir um að göngin standi undir sér. Ef ekki þurfum við að hugsa dæmið upp á nýtt. Sá tími er liðinn að stjórnvöld ljúgi að þjóðinni. Ég hef enn þá trú að það borgi sig að fara í framkvæmdina, miðað við þetta tilboð upp á 95% af kostnaðaráætlun.
Alcoa hefur hætt við byggingu álvers á Bakka við Húsavík og eru Þingeyingar ósáttir við þróun mála varðandi orkunýtingu og atvinnuuppbyggingu í sýslunni. Mörður Árnason flokksfélagi Sigmundar sá ástæðu til að óska Þingeyingum til hamingju með ákvörðun Alcoa í umræðum á þingi. Sigmundur sagðist ekki deila þeirri skoðun með Merði. Það eru margar vistarverur í mínum flokki og ég ven komur mínar ekki í sama herbergi og Mörður Árnason.
Sigmundur segir að það hafi alltaf legið ljóst fyrir að gufan í Þingeyjarsýslu yrði virkjuð í áföngum. Þess vegna tel ég eðlilegt og líklega affarasælla að ávinningurinn af þeirri miklu orku sem er á Þeistareykjasvæðinu verði nýttur til langvarandi hagsældar fyrir svæðið. Hann segir að uppbyggingin verði ekki í einum hvelli, heldur gerist hún á 10-15 árum og þarna komi til sögunnar margir kaupendur, sem stofni einhvers konar iðngarða. Ég er hins vegar orðinn mjög óþreyjufullur að sjá ísbrjótinn í þeim hópi sem kemur á svæðið og varðar leiðina. Landsvirkjun, sem vill fá mikið fyrir orkuna, getur ekki beðið árum saman á þeim tíma sem þjóðin þarf sem mest á vinnu að halda. Það verður líka að meta kostnaðinn af töfinni. Þá þarf að tryggja að orkan verði nýtt á svæðinu, það er lykilatriði og þarf að taka af allan vafa um það.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
