Bjartsýn á myndun meirihluta í Norðurþingi
Fulltrúar B-lista Framsóknarflokks og félagshyggju og D-lista Sjálfstæðisflokks funduðu í fyrsta sinn formlega í gær um myndun meirihluta í sveitarstjórn Norðurþings.
Hjálmar Bogi Hafliðason, oddviti B-lista og Hafrún Olgeirsdóttir, oddviti D-lista leiða umræðurnar. Þau segja bæði í samtali við Vikublaðið að þau séu bjartsýn á að viðræðurnar skili sér í myndun meirihluta.
„Það er samhljómur og við erum sammála um að halda áfram og vinna að góðum verkefnum,“ segir Hjálmar Bogi og bætir við að hann eigi jafnvel von á tíðindum á morgun. „Svo á eftir að útfæra málefnasamning og svona. Við erum bara sammála um að byggja upp, halda áfram og forðast baksýnisspegilinn. Ég held að það sé ekki mikil eftirspurn eftir því. Þetta snýst um að halda áfram og vinna öll saman 9 í sveitarstjórn,“ segir hann.
Aðspurður hvort það hafi komið til tals að fara sömu leið og bæjarstjórn Akureyrar gerði á síðasta kjörtímabil, að mynda samstjórn allra flokka í sveitarstjórn, sagði Hjálmar Bogi að því hafi verið velt upp. „Eftir reynslu þeirra á Akureyri, þá mælir engin með því. Það er frekar að það þróist út í það en við byrjum á því að mynda meirihluta. Við höfum samt alveg rætt það að keyra á samvinnu allra níu fulltrúa, nýta styrkleika allra og vinna saman,“ segir hann.
Hafrún segir einnig að viðræður gangi vel. „Þær standa yfir og miðar áfram. Það hefur alla vega ekki strandað á neinu enn þá,“ segir hún og bætir við að aðeins einum formlegum fundi sé lokið. „Við erum að leggja þetta niður á borðið og erum að taka fyrstu skref. Við höldum áfram í þessari vinnu eitthvað áfram,“ segir hún og bætir við aðspurð að hún sé nokkuð bjartsýn á komandi viðræður.
Í nýafstöðnum sveitarstjórnarkosningum fékk B-listinn 31,6% atkvæða og þrjá menn kjörna og D-listinn 23,9% og tvo menn kjörna. Það eru níu fulltrúar í sveitarstjórn Norðurþings.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir