Bjart ljós fyrir komandi kynslóðir og betra samfélagi

Tanja M. Ísfjörð Magnúsdóttir.
Tanja M. Ísfjörð Magnúsdóttir.

Verðlaunin Framúrskarandi ungir Íslendingar voru veitt í dag í 20. skipti en þau eru veitt árlega af JCI á Íslandi en samtökin eru um þessar mundir að veita verðlaunin.

Framúrskarandi Íslendingur 2021 er Þórunn Eva G Pálsdóttir. Það var forseti Íslands, hr. Guðni Th. Jóhannesson afhenti verðlaunin.

Þetta árið bárust hátt í þrjú hundrað tilnefningar frá almenningi en auglýst er eftir til­nefn­ing­um á hverju ári og get­ur hver sem er til­nefnt framúrsk­ar­andi ung­an Íslend­ing. Sér­stök dóm­nefnd fer svo yfir til­nefn­ing­ar og vel­ur úr 10 framúrskarandi einstaklinga sem fá viðurkenningu og þar af einn verðlauna­hafa.

Húsvíkingurinn Tanja M. Ísfjörð Magnúsdóttir er ein þessara 10 framúrskarandi einstaklinga og fékk viðurkenningu þess efnis í dag fyrir framlag hennar til barna, heimsfriðar, og/eða mannréttinda.

Tanja hefur í sex ár verið ötul baráttukona gegn kynbundnu ofbeldi, bætingum í réttarkerfinu og í þágu þolenda. Allt er þetta launalaust sjálfboðastarf. Hún er með bachelorgráðu í sálfræði og skrifaði ba ritgerð þar sem hún innihaldsgreindi #metoo frásögur kvenna og gerði vandamálinu góð skil. Hún hefur margsinnis bent á óþægilegar staðreyndir, ruggað bátnum og orðið í kjölfarið fyrir miklu aðkasti, en stendur keik þó á móti blási. 

Hún hefur sýnt mikið hugrekki og opnað augu margra hvernig staðan er, í von um að stuðla að auknum upplýsingum og forvörnum gegn ofbeldi og áreitni ásamt því að hafa áhrif á bætta réttarstöðu þolenda og umræðu og viðhorf í þjóðfélaginu.

Tanja hefur verið ein af þeim fremstu í flokki aðgerðasinnahópsins Öfgar sem stofnaður var í vor. Henni hefur verið lýst sem fyrirmynd margra í femínisma og aktívisma í dag sem og bjart ljós fyrir komandi kynslóðir og betra samfélagi fyrir öll kyn og þolendur kynferðisofbeldis.

Í Vikublaðinu sem kemur út á morgun er miðopnuviðtal við Tönju.

 Smellið Gif


Nýjast