Bíósumarið á Akureyri
Íslendingar hafa lengi verið mikil bíó-þjóð og sést það vel á fjölda fullkominna kvikmyndahúsa, ekki aðeins á höfuðborgarsvæðinu heldur víða um land. Akureyri er hér engin undantekning, í bænum eru tvö gæða kvikmyndahús, Sambíóin reka annað þeirra þar sem áður var Nýja bíó með tveimur sölum sem taka samanlagt upp undir 300 manns í sæti.
Borgarbíó sem rekið er af Senu er sömuleiðis tveggja sala kvikmyndahús með sætaplássi fyrir ríflega 300 manns og er til húsa við Hólabraut. Borgarbíó var stofnað fyrir miðja síðustu öld og er líklega eitt elsta kvikmyndahús landsins.
Í hinum vestræna heimi er sumarið gjarnan mikil vertíð fyrir bíóin og stóru kvikmyndafyrirtækin stíla inn á það að gefa út stórar kvikmyndir á sumrin, svokallaða sumarsmelli.
Nú þegar farið er að síga á seinni hluta sumars hér á Íslandi fór dagskráin.is og kannaði bíómenninguna á Akureyri, þ.e. sumarbíómenninguna.
Jóhann Norðfjörð framkvæmdastjóri Borgarbíós sagði að aðsóknin væri búin að vera frábær hingað til. „Sumarið byrjaði rólega, en hefur sótt verulega í sig veðrið, enda eru að raðast inn stórar og gæðalegar myndir þessar vikurnar,” sagði hann og taldi að þetta sumarið væri á pari við árið í fyrra og bætti við: „Sóknaraldurinn okkar er að hækka jafnt og þétt og færast e.t.v. meira í átt að því sem tíðkast í höfuðborginni.”
Alfreð Ásberg Árnason , framkvæmdarstjóri Sambíóana á Akureyri tók í svipaða strengi. “Aðsóknin er búin að vera ágæt, um 24% meiri en í fyrrasumar,” sagði hann.
“Myndin Finding Dory er langstærsta myndin í sumar, svo er Captain America og Tarzan einnig að gera góða hluti. Myndin Suicide Squad er að byrja og keyrir sumarið enn betur en við vorum með góða aðsókn á miðnætursýningu á henni í fyrrakvöld á Akureyri,” sagði Alfreð aðspurður um helstu smellina í Sambíó Akureyri í ár.
Í Borgarbíói hafa einnig verið spennandi myndir í sumar. „Núna eru til dæmis tveir risar í Borgarbíói, hasartryllirinn Jason Bourne sem er svo spennandi að það ættu að fylgja fullorðinsbleyjur með hverjum miða, og síðan erum við að sýna teiknimyndina Leynilíf gæludýra sem fjallar um það hvað gæludýrin okkar eru að gera meðan við erum ekki heima. En þar fyrir utan erum við enn að sýna Ísöld, sem hefur gert góða hluti og á leiðinni er síðan gamanmyndir Bad Moms eða Slæmu mæðurnar, sem er nettur titill,” segir Jóhann og bætir við: „Jason Bourne, og Leynilíf gæludýra eru vafalaust stærstu myndir sumarsins, en í lok sumars eigum við von á Bridget Jones-myndinni Baby og fljótlega þar á eftir kemur INFERNO með Tom Hanks, í leikstjórn Ron Howard sem einnig gerði Davinci-Code og Engla og djöfla en allt eru þetta myndir byggðar á bókum Dan Brown.”
Að lokum spurði dagskráin.is hvort Akureyringar væru almennt duglegir við að fara í bíó á sumrin.
Alfreð Ásberg, Sambíó Akureyri:
„Akureyringar eru duglegir að koma í bíó og vilja fara í bíó með fjölskyldunni í sumarfríinu.“
Jóhann Norðfjörð, Borgarbíó:
„Þetta ræðst af tvennu: Veðri,- sem hefur verið okkur bíófólki í hag í júlí og hinsvegar úrvali góðra mynda sem einnig hefur verið okkur dýrðlegt undanfarið.”
- epe
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
