Bingó í Síðuskóla til styrktar fjölskyldu Stefáns Más
Allt hefur þetta reynst Stefáni Má og fjölskyldu hans mjög erfitt og því ákvað Bergþóra Pálsdóttir, móðir Grétars Þórs Helgasonar, bekkjarbróður Stefáns Más, að leggja sitt að mörkum til hjálpar fjölskyldunni. Hún réðst í það að safna vinningum og hélt bingó í Síðuskóla nýlega. Húsfyllir var í Síðuskóla og mikil stemmning og rann allur ágóðinn, 420.617.- krónur til fjölskyldu Stefáns Más. Bergþóra kom í heimsókn á dögunum og afhenti fjölskyldunni fjárstyrkinn. Hún sagði að söfnun vinninga og sjálft bingóið hefði gengið einstaklega vel og áætlaði að um 300 manns hefðu komið í Síðuskóla. Bergþóra hefur því ákveðið að endurtaka leikinn og halda annað bingó til styrktar fjölskyldunni, í Síðuskóla föstudaginn 2. október nk. kl. 19.30. Hún vonast jafnframt eftir jafn góðum viðtökum og síðast.
Bára Waag Rúnarsdóttir, móðir Stefáns Más, sagði það hafa verið alveg frábært að finna fyrir þessum stuðningi frá Bergþóru og hennar fjölskyldu og sagði að peningarnir kæmu í góðar þarfir. Hún er jafnframt þakklát öllum þeim sem gáfu vinninga og mættu á bingóið. Bára sagði að búið væri að kaupa sjónvarp í herbergi Stefáns Más en hann er mikill knattspyrnuáhugamaður og harður stuðningsmaður enska liðsins Liverpool. Hún sagði að til stæði að kaupa áskrift að enska boltanum svo sonurinn geti fylgst vel með sínum mönnum.
Kennarafélag Síðuskóla hafði áður stofnað söfnunarreikning fyrir fjölskylduna og er hann enn opinn. Þeir eru margir sem ekki gátu mætt á bingóið en vilja leggja fjölskyldunni lið og getur fólk lagt pening inn á söfnunareikninginn. Reikningsnúmerið er 1145-05-251010 og kennitalan 581192-2079.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.