Besta árið mitt hingað til
Bryndís Rún Hansen með verðlaunin eftir kjörið í gær.
Sundkonan Bryndís Rún Hansen var á dögunum kjörin íþróttamaður ársins á Akureyri fyrir árið 2011 í hófi sem fram fór á Hótel KEA. Þetta er í þriðja sinn í röð sem Bryndís verður fyrir valinu. Í öðru sæti varð handknattleikskappinn Oddur Gretarsson, leikmaður Akureyrar, og í þriðja sæti Helga Hansdóttir júdókona hjá KA. Þetta er alveg frábært og æðisleg tilfinning. Mér fannst ég vera búin að vinna inn fyrir því að vera allavega í efstu sætunum, sagði Bryndís Rún hógvær við Vikudag eftir valið. Árangur Bryndísar á árinu 2011 var sér sérlega góður. Má þar helst nefna fimm Íslandsmeistaratitla, fimm Íslandsmet og norskan meistaratitil, en Bryndís býr í Noregi þar sem hún keppir fyrir hönd Bergensvømmerne. Hún segir flutninginn út til Noregs hafa skilað sér með góðum árangri í sundlauginni. Um nýliðið ár segir hún árangur sinn á Evrópumeistaramótinu í 25 m laug í Póllandi í desember standa upp úr, en þar setti hún þrjú Íslandsmet, komst í undanúrslit og hafnaði í 13. sæti í 50 m flugsundi. Það var frábært að toppa á svona stóru móti undir álagi og þetta er án efa mitt besta ár í sundinu hingað til, segir hún.
Tveimur sekúndum frá Ólympíulágmarki
Ekki er útilokað að Bryndís vinni sér inn keppnisrétt á Ólympíuleikunum í London í sumar en hún er tveimur sekúndum frá lágmarkinu í 100 m flugsundi. Hún segist hins vegar ekki kappkosta við að ná þessu lágmarki, en helsta markmið hennar er að keppa á Ólympíuleikum í Rio De Janeiro árið 2016. Ég lít á þetta lágmark fyrir London svona einstaka sinnum. Þetta kemur bara ef það kemur en ég er ekkert að einsetja mér að ná þessu núna, segir Bryndís, en er hún bjartsýn á að ná lágmarkinu fyrir sumarið? Ég myndi segja að það væru svona helmingslíkur.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.