Beiðni um skýrslu um Vaðlaheiðargöng hafnað
Forsætisnefnd Alþingis hafnaði því á fundi sínum í morgun að óskað yrði eftir því við Hagfræðistofnun Háskóla Íslands að stofnunin gerði skýrslu um arðsemi Vaðlaheiðarganga eins og umhverfis- og samgöngunefnd þingsins hafði óskað eftir í lok nóvember. Umhverfis- og samgöngunefnd óskaði eftir skýrslunni í kjölfar þess að Ríkisendurskoðun hafnaði beiðni um að taka verkið að sér, einkum á þeim forsendum að það væri ekki hlutverk stofnunarinnar.
Í kjölfarið óskaði nefndin eftir því að fá grænt ljós á það frá forsætisnefnd að Hagfræðistofnun yrði fengið til þess að vinna slíka skýrslu. Þetta kemur fram á mbl.is.
Guðfríður Lilja Grétarsdóttir formaður umhverfis- og samgöngunefndar segir á vef RÚV að mörgum spurningum sé ósvarað um verkefnið. Nefndin fjallaði í morgun um Vaðlaheiðargöng. Þar sátu fyrir svörum fulltrúar IFS greiningar, sem gerði nýlega úttekt á verkefninu. Þar voru einnig sérfræðingar frá Hagfræðistofun Háskóla Íslands, sem gerðu skýrslu um málið árið 2010. Loks mætti fyrir nefndina Pálmi Kristinsson verkfræðingur, sem skilaði nýlega sinni eigin úttekt. Andstaða virðist vera í umhverfis- og samgöngunefnd gegn þessu verkefni. Nefndarmenn spurðu ítrekað um grundvallarforsendur á borð við vaxtakostnað og stofnkostnað við gerð ganganna. Þessi yfirreið virtist skila litlu. Guðfríður Lilja Grétarsdóttir, formaður nefndarinnar, sagði eftir fundinn að umfjöllunin hefði vakið fleiri spurningar en hún hefði svarað. Umhverfis- og samgöngunefnd fór í nóvember fram á það við forsætisnefnd Alþingis að Hagfræðistofnun Háskólans gerði nýja úttekt á kostnaði við Vaðlaheiðargöng. Svar forsætisnefndar barst í morgun. Guðfríður Lilja segir að forsætisnefnd hafi svarað því til að ekki væri tilefni til að afgreiða beiðni nefndarinnar. Hún segir að þetta hafi komið nefndarmönnum á óvart. Þeirra mat sé einmitt að það sé brýnt að leggja mat á verkefnið, segir í frétt RÚV.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.