Bætt aðstaða og fjölþættari þjónusta hjá Hringrás
Endurvinnsluyrirtækið Hringrás hefur rekið brotajárnsmóttöku á Akureyri, fyrir Norðurland eystra, til fjölda ára. Hringrás hefur að undanförnu stórbætt aðstöðu sína við Ægisnes og þar er nú boðið upp á fjölþættari og betri þjónustu en áður. Hringrás getur nú tekið á móti spilliefnum, timbri, plasti, garðaúrgangi, raftækjum, góðmálmum og eins áður hjólbörðum og og brotamálmum.
Með þessu er fyrirtækið að auka þjónustustigið á Akureyri og Norðausturlandi. Einar Ásgeirsson framkvæmdastjóri Hringrásar segist ánægður með þær móttökur sem fyrirtækið hefur fengið alla tíð frá Eyfirðingum. Athafnasvæði Hringrásar var upphaflega við Slippinn en flutti svo á núverandi svæði við Ægisnes. "Við gerðum samning við Sorpeyðingu Eyjafjarðar á sínum og gerðum jafnframt langtímasamning um núverandi lóð og höfum lagt mikið í hana. Við höfum reist hér 300 fermetra einangraða skemmu, komið upp aðstöðu til móttöku á spilliefnum og flokkunar á málmum, eins til að geta hugsað betur um tækin okkar og veitt betri þjónustu. Á svæðinu höfum við malbikuð og steypt plön sem tengd eru við olíuskiljukerfi, við erum því umhverfisvænir og leggjum okkur fram um það að hafa hér snyrtilegt. Myndarlegar manir hafa verið gerðar kringum svæðið, þannig að hér er gott að vera og þá er alltaf gott veður á Akureyri," segir Einar.
Hann segir að tekið sé á móti timbri, garðaúrgangi og skyldum úrgangi, sem malað er niður og fer kurlið í moltugerðina hjá Moltu í Eyjafjarðarsveit. "Einnig erum við að klippa og pressa brotajárn og hér er verið að endurvinna hráefni til útflutnings. Þannig getum við veitt viðskiptavinum okkar sem besta þjónustu, lágmarkað umhverfisáhrif, skapað atvinnu og haft jákvæð áhrif fyrir samfélagið. Og við leggjum okkar fram um þjónusta okkar viðkiptavini vel," segir Einar.
Á Akureyri eru 4-5 starfsmenn og segir Einar að þeim eigi frekar eftir að fjölga í framtíðinni. Hringrás er með fjórar starfsstöðvar á landsbyggðinni, á Akureyri, Skagaströnd, Reyðarfirði og Reykjanesbæ og svo eru höfuðstöðvarnar í Reykjavík. Tækjabúnaðurinn er færanlegur og þannig næst ákveðin samnýting á milli starfsstöðvanna.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
