Bæta þarf flutningsmöguleika í raforkukerfinu til Akureyrar
Franz Árnason fyrrverandi forstjóri Norðurorku hf. fyrir framan höfuðstöðvar fyrirtækisins á Rangárvöllum.
Franz Árnason fyrrverandi forstjóri Norðurorku hf. segir að flutningsmöguleikarnir í raforkukerfinu til Akureyrar séu fullnýttir og að nauðsynlegt sé að bæta þar úr. Hingað í Eyjafjörðinn er ekki hægt að flytja mikið meira rafmagn en notað er í dag og ef t.d. Becromal á að stækka, þarf að efla aðflutningslínur Landsnets til Eyjafjarðar.
Það er á döfinni en það eru alls kyns tafir á því vegna þess að það er eins og menn megi ekki sjá rafmagnslínur í dag. Fyrir 50 árum urðu allir glaðir á bændabýlum landsins þegar menn sáu staurana rísa. Í dag má ekkert og menn heimta allar lagnir í jörð sem er óraunhæft og allt of dýrt. Þetta er það sem hamlar því að hægt sé að byggja frekar upp orkufrekan iðnað hér á Akureyri, segir Franz.
Það er verið að flytja allt það rafmagn sem hægt er til Akureyrar, bæði að austan og vestan og því þarf auðvitað að styrkja línurnar í báðar áttir. Það þarf að vera varamöguleiki ef eitthvað kemur uppá. Svo virðist sem einhverjir í Skagafirði vilji ekki leyfa lagningu Blöndulínu til Akureyrar og svo verður að segjast eins og er að bæjaryfirvöld á Akureyri eru tvístígandi varðandi það hvað eigi að leyfa. En það er aðkallandi að bæta þarna úr, ekki síst þar sem uppi eru hugmyndir um stækkun hjá Becromal, hvenær sem það svo verður, segir Franz ennfremur. Ítarlegt viðtal er við hann í Vikudegi sem kom út í gær, fimmtudag.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.