Bæjaryfirvöld gerðu enga kröfu um tímasetningar eða starfslok
Halla Björk Reynisdóttir formaður stjórnar Akureyrarstofu og fulltrúi stjórnar í nefnd sem sett var á laggirnar til að fara yfir málefni Leikfélags Akureyrar segir í tilefni af uppsögn Maríu Sigurðardóttur úr starfi leikhússtjóra í vikunni, að í nýgerðum samningi Akureyrarbæjar og LA komi fram að stjórn LA skuli meta ábyrgð leikhússtjóra með hliðsjón af lögum félagsins.
Til að taka af öll tvímæli þá gerðu bæjaryfirvöld enga kröfu umfram þetta, hvorki um tímasetningar eða starfslok. Ákvarðanir um starfslok leikhússtjóra eru því eðli málsins samkvæmt á ábyrgð stjórnar LA, segir hún. Halla Björk segir að framundan sé spennandi hugmyndavinna um hvaða fyrirkomulag menn vilji hafa á rekstri atvinnuleikhúss á Akureyri og stjórn Akureyrarstofu hafi skipað tvo fulltrúa í þá vinnu og stjórn LA tvo. Eins og sagan sýnir þá hefur rekstur metnaðarfulls leikhúss á Akureyri gengið vel á löngum köflum og verkefnið framundan að búa leikhúsinu umhverfi sem festir öruggan rekstur og spennandi leiklist í sessi, segir Halla Björk.
Búið var að semja um starfslok
Sigrún Björk Jakobsdóttirformaður stjórnar Leikfélags Akureyrar segir að uppsagnir séu alltaf erfiðar og að hún hafi fullan skilning á afstöðu Maríu, en stjórnin hafi talið réttast í stöðunni og þar sem um veigamikið starf sé að ræða að uppsögnin taki gildi strax. Búið hafi verið að semja um starfslok leikhússtjóra og þegar svo er þjóni það ekki endilega hagsmunum leikfélagsins að unnið sé út uppsagnarfrest. Leikfélagið fái þarna tækifæri til að vinna sig út úr þeim vanda sem það sé í með nýju fólki við stjórnvölinn.
Ég tek undir það að mikilvægt er að horfa til framtíðar, við getum lært af því sem gerðist, og þurfum nú að fara vandlega yfir hvernig starfsemi og rekstri leikfélagsins er best borgið til framtíðar litið, segir Sigrún Björk.
Hún segir að vinnuhópur sé nýtekinn til starfa og að hann eigi eftir mikið verk. Auglýst verður eftir verkefnisstjóra til 6 mánaða fljótlega og þegar niðurstöður vinnuhópsins liggja fyrir vonast ég eftir því að LA geti auglýst eftir öflugum leikhússtjóra sem vinni með stjórn að bættum hag félagsins.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
