Aukum sjálfræði landsbyggðarinnar
Miðstýringin sem einkennir samfélagið okkar er áhugaverð. Ég velti því fyrir mér hvort ekki þurfi að fara ofan í saumana á þeirri uppbyggingu. Hvers vegna er málum þannig háttað, að ríkisstjórnin geti tekið ákvörðun um að skera niður fjárveitingar til einstakra sjúkrahúsa á landinu? Jafnvel þannig að tugum prósenta munar á spítölum?
Þegar kjördæmakerfi landsins var dregið upp átti það að tryggja að hvert svæði hefði sinn fulltrúa á þingi. Þetta er ekki ósvipað því kerfi sem var við lýði á þjóðveldisöld þegar hvert hérað hafði sinn goða sem tók síðan sæti á Alþingi. Þetta eru undirstöður vestræns lýðræðis. Fólk sem býður sig fram til setu á landsþingi gerir það í tilteknu kjördæmi og tekur svo sæti sem fulltrúi kjósenda þar.
Þetta er í sjálfu sér gott og gilt. Aftur á móti má velta því fyrir sér hvort útfærsla þessa fyrirkomulags sé skynsamleg hérlendis.
Landshlutastjórnir
Á Íslandi er, ólíkt mörgum öðrum lýðræðisríkjum, ekkert stig á milli sveitastjórna og ríkisstjórnar. Þar eru aðeins sýslur, sem hafa ekkert gildi. Í nokkrum ríkjum er sjálfræði landshluta mikið. Þar þarf aðeins að nefna Þýskaland og Bandaríkin sem dæmi. Í Bandaríkjunum eru fylki stjórnsýslustig milli sveitastjórna og ríkisstjórnar. Talsverður munur getur verið á stjórnarháttum frá einu fylki til annars. Almenna reglan hefur þó verið sú að fylkin beri ábyrgð á því að tryggja borgurunum öryggi, menntun, heilsugæslu og samgöngur.
Er heppilegt að halda stjórnkerfinu óbreyttu á Íslandi? Ég er efins. Ég tel að það þurfi að skoða gaumgæfilega hvort gera eigi landið að einu kjördæmi þegar kosið er til þings, forseta og ríkisstjórnar. Ég vil að kosið verði beint til allra þessara stofnana og að ríkisstjórn verði aðskilin þinginu. Í stað kjördæmanna, vil ég kanna möguleikann á því að setja á fót eins konar landshlutastjórnir. Þær hefðu þeirra eigin skattstofn og gætu ráðstafað fénu eftir þeirra eigin höfði í rekstur staðbundinnar starfsemi, eins og sjúkrahúsa og framhaldsskóla. Þar gætu sveitastjórnarfulltrúar tekið sæti.
Ég tel að þetta fyrirkomulag gæti hentað okkar samfélagi betur. Við þurfum að draga úr miðstýringunni úr Reykjavík. Ég vil berjast fyrir því að þetta verði skoðað verði ég kosinn á stjórnlagaþing þann 27. nóvember.
Ítarleg stefnuskrá á stjornlagathing.org. Kosninganúmer mitt er 7627.
Höfundur er frambjóðandi til stjórnlagaþings.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.