Aukning í innanlandsflugi og fleiri stórar einkavélar
Iceland Express hefur boðið upp á beint flug milli Akureyrar og Kaupmannahafnar í sumar en síðasta ferðin á þessu sumri var farin þann 20. ágúst sl. Sigurður segir að heilt yfir hafi gengið nokkuð vel með beina flugið, sem hófst í byrjun júní, og að sætanýtingin hafi verið með ágætum.
Eins og fram hefur komið í fréttum ætlar Icelandair að bjóða upp á flug til og frá Akureyri um Keflavíkurflugvöll á ýmsa áfangastaði sína í Evrópu og Bandaríkjunum næsta sumar. Viðskiptavinir bóka flugið og innrita sig alla leið. Flogið verður allt að fjórum sinnum í viku frá 7. júní til 30. september 2012. Á Keflavíkurflugvelli er góð tenging við helstu áfangastaði Icelandair. Þá er unnið að því á vegum Markaðsstofu ferðamála á Norðurlandi að koma á beinu flugi til Akureyrar erlendis frá.
Því hafa vaknað spurningar um hvort ekki sé orðið aðkallandi að stækka flugstöðina á Akureyrarflugvelli. Sigurður segir að engar ákvarðanir liggi fyrir um stækkun flugstöðvarinnar, þó það sé vissulega eitthvað sem menn vilji sjá gerast. "Við verðum hins vegar að taka tillit til aðstæðna í þjóðfélaginu, það er ekki hægt að gera allt í einu. Það stefnir allt í að við fáum efni í nýtt flughlað úr væntanlegum Vaðlaheiðargöngum, sem fyrsta skref að nýju flughlaði og jarðvegsskiptum undir nýja flugstöð. Ég geri ráð fyrir að það komi fram í tengslum við gerð samgönguáætlunar í þinginu hvert framhald málsins verður. Það er þó ekkert sem ég veit um og við verðum að bíða og sjá hvert verður innhald samgönguáætlunarinnar," segir Sigurður.
Þann 1. desember nk. verða gerðar þær breytingar á Akureyrarflugvelli, að Isavia tekur yfir þá þjónustu sem Slökkvilið Akureyrar hefur haft með höndum, samkvæmt þjónustusamningi við fyrirtækið. Sigurður segir að breytingin felist aðallega í að fjölga starfsmönnum í slökkviþjónustu og að starfsmenn sinni jafnframt fjölbreyttari verkefnum.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
