Atvinnurekendur á Akureyri álykta um Reykjavíkurflugvöll
Dagur B. Eggertsson, borgarfulltrúi og Njáll Trausti Friðbertsson, flugumferðarstjóri fóru yfir sjónarmið Reykjavíkurborgar og samtakanna Hjartað í Vatnsmýrinni varðandi framtíð Reykjavíkurflugvallar á fundi sem Samtök Atvinnurekenda á Akureyri efndu til í dag. Stjórn Samtaka atvinnurekenda á Akureyri hefur sent frá sér eftirfarandi ályktun:
Stjórn Samtaka atvinnurekenda á Akureyri hvetur einróma til þess að stjórnvöld tryggi að Reykjavíkurflugvöllur fái áfram að starfa á núverandi stað innan borgarmarka Reykjavíkur þar til nýtt og viðunandi flugvallarstæði hefur verið fundið við eða í Reykjavík. Flugvöllurinn skiptir, eins og öllum er ljóst, miklu máli varðandi öryggi íbúa landsins sem þurfa á bráðahjálp að halda vegna veikinda eða slysa sem verða fjarri Reykjavík. Einnig gerir hann starfsmönnum fyrirtækja og stofnanna á landsbyggðinni kleift að sækja þjónustu stjórnsýslunnar sem nánast öll er staðsett í Reykjavík með mun lægri tilkostnaði en ef hann væri annars staðar. Staðsetning vallarins í dag styrkir þannig öflugri byggð utan Reykjavíkur og það er hagur allra landsmanna.
Það fara 400 450 þúsund farþegar um Reykjavíkurflugvöll á ári og fyrir séð er að innanlandsflug muni raskast verulega verði innanlandsflug flutt til Keflavíkur. Það er mikilvægt að framtíð Vatnsmýrarinnar verði mótuð með hag allra landsmanna að leiðarljósi. Uppbygging margra fyrirtækja á Akureyri hefur verið og verður háð greiðu aðgengi að höfuðstöðvum stjórnsýslu Íslands og viðskiptavinum þeirra í Reykjavík. Jafnframt eru ýmis áform um atvinnuuppbygginu á landsbyggðinni þar sem greiðar samgögnur til og frá Reykjavík skipta miklu máli. segir Þórleifur Stefán Björnsson formaður Samtaka atvinnurekenda á Akureyri.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
