Átta af tíu þingmönnum NA-kjördæmis ákveðnir í að gefa áfram kost á sér
Átta af tíu þingmönnum NA-kjördæmis hafa ákveðið að gefa kost á sér í þingkosningum næsta haust en Vikublaðið kannað hug þingmanna kjördæmisins fyrir haustkosningarnar 2021. Steingrímur J. Sigfússon, forseti Alþingis, og oddviti VG í kjördæminu, hyggst ekki gefa kost á sér. Hann hefur setið á Alþingi fyrir Norðurlandskjördæmi eystra og síðan Norðausturkjördæmi frá því 1983 og er með lengsta þingreynslu allra núverandi þingmanna. Þá hefur Kristján Þór Júlíusson, sjávarútvegs-og landbúnaðarráðherra, og oddviti Sjálfstæðisflokksins í kjördæminu, enga ákvörðun tekið.
Aðrir ætla að halda áfram. Bjarkey Olsen Gunnarsdóttir þingkona VG gefur kost á sér og hyggst sækjast eftir oddvitasætinu. Sigmundur Davíð Gunnlaugsson oddviti Miðflokksins gefur kost á sér og sömuleiðis Anna Kolbrún Árnadóttir þingkona Miðflokksins.
Logi og Albertína áfram
Logi Einarsson, oddviti Samfylkingarinnar, ætlar að halda áfram og sömuleiðis Albertína Friðbjörg Elíasdóttir þingkona Samfylkingarinnar. „Eftir að hafa velt þessu töluvert mikið fyrir mér síðustu vikur þá er ég búin að taka ákvörðun um að gefa kost á mér. Það hefur verið mikill heiður að fá að starfa að hagsmunum þessa víðfema kjördæmis og landsins alls auðvitað og ég hef áhuga á að gera það eitt kjörtímabil í viðbót,“ sagði Albertína í svari til blaðsins.
„Enga ákvörðun tekið“
Sem fyrr segir liggur Kristján Þór Júlíusson undir felldi en hann hefur leitt Sjálfstæðisflokkinn í undanförnum þingkosningum. „Ég hef enga ákvörðun tekið í þessum efnum,“ sagði Kristján Þór í svari til blaðsins. Njáll Trausti Friðbertsson, þingmaður Sjálfstæðisflokksins, er hins vegar ákveðinn í að fara áfram. „Ég er ánægður með það hvernig gengið hefur að vinna að framgangi þeirra mála sem ég hef lagt áherslu á og það er af nógu að taka á næstu misserum. Það eru mjög brýn verkefni sem við stöndum frammi fyrir á næstu árum sem ég vil þátt í að klára íbúum Norðausturkjördæmis og allri þjóðinni til heilla,“ sagði Njáll Trausti í svari til blaðsins.
Þórunn og Líneik áfram
Þórunn Egilsdóttir oddviti Framsóknarflokksins hyggst sækjast eftir endurkjöri og sömuleiðis Líneik Anna Sævarsdóttir þingkona flokksins. Þórunn mun fá samkeppni um efsta sætið þar sem Ingibjörg Isaksen bæjarfulltrúi á Akureyri ætlar að bjóða sig fram í fyrsta sætið fyrir flokkinn.
Nýjast
-
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi. -
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á.
Athugasemdir