Atli: Vorum sjálfum okkur verstir
Atli Hilmarsson fer yfir málin með leikmönnum sínum.
Atli Hilmarsson, þjálfari Akureyrar, var sár og svekktur eftir tap sinna manna gegn HK á heimavelli í kvöld, 25-27, í N1-deild karla í handknattleik. Við vorum sjálfum okkur verstir í þessum leik. Við fengum fullt af færum sem fóru forgörðum og tæknifeilarnir í sókninni voru alltof margir. Við áttum smá möguleika í restina og sýndum karakter með að koma til baka í þá stöðu en því miður féll þetta ekki með okkur. Við vorum ekki nógu grimmir í vörninni og fengum þar af leiðandi lítið af hraðaupphlaupum. Það var hins vegar margt jákvætt í okkar leik en ansi margt líka sem mátti betur fara. Við missum hausinn í upphafi seinni hálfleiks, sendum boltann í hendurnar á þeim í sókninni og vorum bara áhorfendur í varnarleiknum. Ég prófaði að taka leikhlé en það virkaði ekkert. Sóknarleikurinn var góður stærstan hluta leiksins og markvarslan fín. Sveinbjörn (Pétursson) var að verja vel og slæmt að nýta það ekki betur, sagði Atli.
Kristinn Guðmundsson, annar þjálfari HK, var sáttur með tvö dýrmæt stig eftir sigurinn gegn Akureyri. Að fara héðan með tvö stig er bara geðveikt. Stemmningin hérna í Höllinni er alltaf svakalega góð og ég er stoltur af strákunum að ná að standa þetta af sér. Stigin tvö er gríðarlega mikilvæg og ég gæti ekki verið ánægðari. Við byrjuðum rólega í leiknum og það var eins og við værum ekki alveg mættir til leiks. Við héldum okkur hins vegar rólegum og þetta var karakters sigur hér í kvöld. Akureyringar voru klaufar í byrjun seinni hálfleiks en við klókir og náðum góðri forystu sem dugði til sigurs, sagði Kristinn.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.