Atkvæðagreiðsla um fjáraukalög verður á morgun
Þingfundi er lokið á Alþingi en til stóð að lokaumræða um fjáraukalög fyrir þetta ár stæði fram á kvöld. Atkvæðagreiðsla um kvöldfund var hins vegar ógild vegna ónógrar þátttöku en þingmenn stjórnarandstöðunnar gengu út þegar atkvæðagreiðslan stóð yfir og aðeins tveir þingmenn tóku til máls um frumvarpið. Atkvæðagreiðsla verður á morgun.
Þingmenn stjórnarandstöðunnar gagnrýndu harðlega, að afgreiða ætti fjáraukalagafrumvarpið nú í ljósi þess, að þingmenn hefðu ekki haft tækifæri til að kynna sér gögn, m.a. í tengslum við sölu á eignarhluta Byrs hf. til Íslandsbanka. Þá væri beðið skýrslu Ríkisendurskoðunar um Vaðlaheiðargöng.
Fulltrúar stjórnarandstöðuflokkanna lýstu því yfir að þeir myndu ekki taka þátt í atkvæðagreiðslunni. Þór Saari, þingmaður Hreyfingarinnar, sagðist einfaldlega lýsa frati á vinnubrögð meirihlutans á Alþingi í tengslum við fjáraukalögin. Gunnar Bragi Sveinsson, þingmaður Framsóknarflokksins, sagði að ekki væri hægt að taka þátt í þessu rugli lengur. Atkvæðagreiðslan um kvöldfund var síðan ógild eins og áður sagði. Þriðja umræða um frumvarpið hófst í kjölfarið og Sigríður Ingibjörg Ingadóttir, formaður fjárlaganefndar, gerði grein fyrir áliti nefndarinnar um fjáraukalagafrumvarpið. Steingrímur J. Sigfússon, fjármálaráðherra, hélt stutta ræðu og þá var mælendaskrá tæmd og fundi slitið. Þetta kemur fram á mbl.is.
Nýjast
-
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla.
