Ásprent Stíll ætlar sér stóra hluti á fjölmiðlamarkaði
Ásprent Stíll á Akureyri sem rekið hefur prentþjónustu um árabil hefur verið að feta sig í auknum mæli inn á fjölmiðlamarkaðinn. Allir þekkja Dagskrána sem komið hefur út allar götur síðan 1968, en fyrir nokkrum árum keypti fyrirtækið frétta og mannlífsblaðið Vikudag. Blaðið kemur út vikulega og er selt í áskrift og í lausasölu á Akureyrarsvæðinu. Á síðasta ári festi fyrirtækið svo kaup á Skarpi og Skránni sem eru sambærileg blöð við Vikudag annars vegar og Dagskrána hins vegar en eru gefin út og dreift á Húsavík.
Áform fyrirtækisins eru þó enn meiri og ætlar það sér frekari sigra á fjölmiðlamarkaði. „Já við höfum undanfarin ár verið að styrkja okkur verulega þar. Fyrst með kaupum á Vikudegi og síðan með kaupum á Skarpi og Skránni á Húsavík. Í framhaldinu fór svo vefurinn í loftið sem tengir alla okkar miðla saman og flytur fréttir og fjallar um mannlífið á svæðinu,“ segir G. Ómar Pétursson framkvæmdastjóri Ásprents Stíls í samtali við Vikudag.is.
Leggja ríkari áherslu á netið
Hann segir jafnframt að það hafi sárlega vantað öflugan fréttavef á svæðið. „Þar er nánast alveg óplægður akur, bæði hvað varðar fréttir og fréttatengt efni en ekki síður hvað varðar auglýsingar. Hér hefur skort vettvang þar sem auglýsendur geta komið auglýsingum á framfæri á daglegum grunni. Þó svo að auglýsingamiðlarnir okkar, Dagskráin og Skráin hafi eflst mjög undanfarin ár, þá eru kröfur markaðarins að breytast og hraðinn orðinn meiri. Það þarf því meira til en bara vikulega útgáfu til að sinna þörfum auglýsenda enda sýna rannsóknir að hlutur vefauglýsinga fer stækkandi. Þar eru mikil tækifæri sem við ætlum okkur að grípa,“ segir G. Ómar og bætir við: „Að sama skapi eru kröfur fólks um fréttir og upplýsingar að breytast. Nú þarf allt að komast í loftið um leið og það gerist. Þar kemur vefurinn sterkur inn. Á móti kemur að vikublöðin okkar flytja nú meira af mannlífsefni.“.
G. Ómar segir að vefnum sem í dag fékk nýtt nafn; Vikudagur.is hafi verið mjög vel tekið frá því hann fór fyrst í loftið. „Sérstaklega hefur heimsóknum fjölgað undanfarna mánuði. Við tókum þá stefnu í vor að auka vægi frétta á vefnum og síðan þá hefur hann verið á góðri siglingu,“ segir hann.
Áður hét umræddur vefur Dagskráin.is, en aðspurður segir Ómar að ástæðan fyrir nafnabreytingunni sé að styrkja tenginguna við Vikudag. „Með auknu vægi frétta- og mannlífsefnis á vefnum lá beinast við að tengja vefinn Vikudegi. Við erum með sömu blaðamenn sem vinna efni í báða miðla og eðlilegt að vitnað sé til frétta í miðlunum undir sama nafni. Vikudagur.is mun styrkja blaðið, og öfugt, bæði varðandi efni og tækifæri á auglýsingamarkaðnum“
Vefurinn hefur verið að taka talsverðum breytingum undanfarna daga, bæði hvað varðar útlit og efnistök, þar má m.a. nefna sérstakan kosningavef sem nú er kominn í loftið. „Já það hafa orðið miklar breytingar á vefnum undanfarna daga. Við erum að bæta við nýju efni, m.a. umfjöllun um komandi kosningar. Þar ætlum við að vera í forystu með fréttir af kosningabaráttunni í Norðausturkjördæmi, greinar og pistla frá frambjóðendum og vonandi verða líka einhverjar uppákomur sem skemmtilegt verður að segja frá,“ segir G. Ómar að lokum, en leggur áherslu á að vefurinn, sem og aðrir miðlar fyrirtækisins, séu í stöðugri þróun og það sé því lifandi ferli að uppfæra þá og halda þeim ferskum.
.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
